馬祖台灣養生湯麵館 (和安里)

营业中

休息中

天寒地凍，就想食啲熱辣辣嘅晚餐。朋友介紹中環有一間食藥膳米線，健康又好食，今晚又嚟試下先。餐廳環境唔算大，座位不多，不過因為早食晚飯 ，六點到達，所以人不多，坐得幾舒服。 我叫咗桃膠藥膳農村雞米線，朋友叫養生湯農場雞配飯，再配咗上湯時蔬同鹵水雞翼。先講我嘅養生湯麵，份量好大，雞件好多，雞髀位置夠嫩滑，其他雞胸位就有小小鞋。我鍾意桃膠滋補，入邊有好多紅棗，木耳，好健康。最鍾意飲個湯底，少少甜甜地嘅藥材味，不禁飲多幾口。朋友嘅養生湯農場雞個湯，就比湯麵嘅湯底濃郁少少。食完成個暖粒粒，啱曬冬天食，好適合注重養生嘅人幫襯。