影片
开饭介绍
以多款配料制作台式药膳汤面，设有不同的辣度以供选择，部分口味更可转为白饭，配搭台式茶饮或冷泡茶也很合适。
继续阅读
营业时间
今日营业
11:00 - 21:30
星期一至五
11:00 - 21:30
星期六至日
12:00 - 21:30
公众假期
11:00 - 21:30
公众假期前夕
11:00 - 21:30
以上资料只供参考，请与餐厅确认详情
食家推介
相关文章
喺度食过超过10次,好钟意个养生药膳汤,甜甜地唔苦,米线够烟靭,啲农场鸡肉一啲都唔柴,份量够,龙眼红枣香甜,基本上每次都叫呢款。整体来讲,好味、健康、够饱。但舖头比较细,晚餐唔多人唔使等位,推荐附近返工嘅人过嚟试试,或者叫外卖。
继续阅读
🍜 黑蒜药膳农场鸡米线 今日试咗呢碗黑蒜药膳农场鸡米线，材料丰富，有蜜枣、木耳、黑蒜、芫茜同鸡肉，整体味道好滋润又暖胃，啱晒秋冬食！🍲 汤底系药膳汤，带有淡淡嘅黑蒜香，味道浓郁得嚟唔会太咸，饮落好舒服。蜜枣带嚟少少甜味，令汤底更加鲜甜，木耳同芫茜增添咗口感同香气，整体好有层次。鸡肉用咗农场鸡，肉质嫩滑，吸收晒药膳汤嘅精华，食落好入味，一啲都唔嚡。🍜 米线煮得啱啱好，唔会太软或太硬，吸晒汤底嘅味道，每一啖都好满足。🌟 呢碗黑蒜药膳农场鸡米线真系好适合秋冬食，汤底滋润暖胃，材料丰富，鸡肉嫩滑，米线弹牙，整体味道好平衡。如果你钟意药膳汤或者想食啲暖身嘅嘢，呢个绝对值得一试～
继续阅读
中环嚟讲，呢间养生米线价格定位经济实惠。见好多评论都话侍应态度差，帮佢平反下先。Boxing Day 日晚去食，啲位都已经坐得好full，侍应安排搭枱，好彩都系对住朋友食，空间感都OK嘅。睇定咗嘢食之后揾侍应落单，侍应态度都正常，冇咩特别。🖌️冇热水提供，一系就买$8矿泉水🖌️冇加一服务🍜药膳麻油鸡米线 HKD68本身叫依个米线系俾佢个麻油味道吸引，米线上嚟后，都有啲失望，因为啲鸡冇麻油𠮶浸味，怀疑系倒几滴麻油落碗汤就算。佢个鸡汤底算系好好味嘅，不过药膳味比较淡，整体偏甜。米线好滑，我同朋友碗米线都有鸡髀😚😚🍜药膳桃胶农场鸡米线 HKD69平时食桃胶食得多都系甜品嚟，桃胶放米线就好似云耳咁，爽爽哋冇咩味，冇违和感。个汤底似系一样，只系多咗桃胶。整体/中环嚟讲呢个价算系咁，去开中环想食个快嘅米线，又唔想成日食谭仔可以拣呢间💁🏻♀️
继续阅读
其实上一次来已经发觉D鸡好差，好多鸡毛。但真系好钟意食醉鸡面，所以又再来。呀姐态度一如以往地差😂叫唔该落单，喝返你叫你等阵但小店冇所谓啦但食食下，发现有旧鸡入边系生的🥲仲有旧条毛又黑又粗但汤底系好好饮的如果再嚟可能唔会再叫鸡肉相关
继续阅读
嚟到中环，同班朋友想食台湾嘢做晚餐，误打误撞揾到呢间，行到和安里口，仲以为自己行错路，要行入啲先见到间铺。嘢食价钱以中环嚟讲算几抵食我哋三个人，一人叫咗一个唔同味一个食醉鸡一个食虫草花药膳一个食麻油鸡醉鸡有酒味药膳重红枣味麻油鸡有麻油味真材实料餐牌写用农场鸡食得出鸡味同埋有走地鸡口感最令人觉得惊喜系个白饭竟然用珍珠米唔系一般出面食嘅丝苗食得出米味捞埋啲饭，做汤饭汤饭份量比例啱啱好下次可以再嚟encore😋
继续阅读