麻神麻辣火鍋 (已結業)

打邊爐向來係我最喜歡，今次一行8人，黎次大聚會，超齊人!呢間台灣麻神個個都想食，一於齊齊黎enjoy下~未黎已經好期待我地8個人真係叫超多野食....但食完價錢唔貴，仲要食物質素好，又新鮮!用左Hello Pinkey優惠，可以滿$300減$100，有興趣都可以食，去到3月尾ja~我覺得呢度食完真係幾正，要讚讚!環境都幾好，寬敞，坐得舒服，又可以暢所欲言。食物叫左美國桶蠔、牛頸脊、冰豆腐、羊肉片、豬潤、蛋餃、丸子拼盤、水蓮菜、即炸響鈴、炸枝竹、烏龍面、老饕鍋.....仲有飲品講下味道先~ 大讚個老饕鍋拼花膠雞鍋，呢個真係超好味，麻味香濃，花膠雞好足料，香味撲鼻，十分鐘意呢個湯底!推介下，美國桶蠔，大大隻又肥又厚，個人鐘意連麻辣湯底食，鮮美濃d~冰豆腐我覺得打邊爐真係超正，索哂湯汁正到呢~~~~口感無得頂!仲有呢度個 老饕鍋，原來係出名架，入面有牛腸、牛面肉、牛肚、牛筋等，感覺就係牛雜，佢係麻辣湯底，整得好入味，值得食~牛頸脊都係必食推介，睇落油脂均勻，肉質幼嫩，入口有嚼勁，鐘意食牛的話一定要叫~個人覺得打邊爐一定要叫埋即炸響鈴、炸枝竹呢D，因為佢會浸哂汁，一次過入口，可以品嚐湯底嘅滋味