影片
更多
2014-11-21
2201 浏览
話說曉晴現在正值Sem尾又是狂溫書考MidTerm趕Paper衝考試既好日子啦~自減肥成功後，曉晴努力去搵返自己係減緊肥時好想食既野去食返一來係讓自己既身體去習慣返正常人既飲食習慣二來就係圓返自己一個心願，趁自己仲Keep到呢個重量既時候食返餐好既~前幾日用左兩日時間溫左個Midterm，竟然係因為自己臨尾改答案而令自己答錯題實在好唔開心，加上功課又忙啦，黎緊又要試教啦，教案又未寫啦，真係好大壓力於是，我就look下Openrice d 食評啦~發現平時玩開個班Bloggers，例如popcorn個D最近都力讚一間位於旺角既新放題－番本都話好好食啦~我就俾旺角大部份既放題伏過好多次架啦，唔係食材唔新鮮，就係地方唔衛生，再唔係就服務極差，仲有漏單、錯單同扣單(即係點既數量唔足數，叫10件只黎2件咁!!!)有次試過食完之後食物中毒，屙到我要死 最傷心既就係受完呢堆屎一般既服務同食物之後，你仲要乖乖奉上三百元！個道氣就谷到上心口，真係俾錢買難受！自此就真係唔敢再食放題啦！但係見到咁多人都話好食既，又見到有羊架食，於是就即刻Call我最愛既細佬出黎陪我食餐勁既!!!!果然！！！！！！唔係係因
又是狂溫書考MidTerm趕Paper衝考試既好日子啦~
自減肥成功後，曉晴努力去搵返自己係減緊肥時好想食既野去食返
一來係讓自己既身體去習慣返正常人既飲食習慣
二來就係圓返自己一個心願，趁自己仲Keep到呢個重量既時候食返餐好既~
前幾日用左兩日時間溫左個Midterm，竟然係因為自己臨尾改答案而令自己答錯題
實在好唔開心，加上功課又忙啦，黎緊又要試教啦，教案又未寫啦，真係好大壓力
於是，我就look下Openrice d 食評啦~
發現平時玩開個班Bloggers，例如popcorn個D最近都力讚一間位於旺角既新放題－番本
都話好好食啦~
我就俾旺角大部份既放題伏過好多次架啦，
唔係食材唔新鮮，就係地方唔衛生，再唔係就服務極差，
仲有漏單、錯單同扣單(即係點既數量唔足數，叫10件只黎2件咁!!!)
有次試過食完之後食物中毒，屙到我要死
最傷心既就係受完呢堆屎一般既服務同食物之後，你仲要乖乖奉上三百元！
個道氣就谷到上心口，真係俾錢買難受！自此就真係唔敢再食放題啦！
但係見到咁多人都話好食既，又見到有羊架食，
於是就即刻Call我最愛既細佬出黎陪我食餐勁既!!!!
果然！！！！！！
唔係係因為我冇期望定點樣啦
番本真係好食，我指既係，佢係做到放題既水平，而我第一次食放題係被當作人去看待
學我細佬話齋，呢度D野先至係人食架喂！！！！！！
唔係賣廣告，係真係好食，服務真係好好 (收錢個下另計，陣間再講)
再利申，今次食放題我冇計住quota食，我真係狂食架~ 我細佬仲要餓左自己一日去食哈哈
但真係抵食既~~
我地前幾日book左8點，$188+1/person我係經電話book既，真心燥底既，因為佢地個hotline係電話錄音黎，
姐係個D「廣東話，請按1字」個種
呢個電話錄音係冇問題的，問題在於，我每次想聽下時段及收費個陣，佢都係講講下斷線
我打左四次，四次都斷我線，
大佬你都係想做分流先set呢個電話錄音姐，點解又cut我線
最後都係逼我打去門巿問，我打左三次電話先comfirm booking，其實對前線員工係好大壓力
希望番本執執自己個booking hotline啦
番本係要準時上到去，建議大家預早15分鐘去到，因為去到都係要等
只係，你book左，你大概等5-10分鐘就一定入到去，其實都好快手
不過，又係真係人多到一個點，而員工真係有D亂，
前台個姐姐就不在狀態，同一個問題問左我幾次，而老世又講左另一個版本既答覆啦
重點係booking hotline個姐姐又book得唔清唔楚，結果搞到我超燥底
入面真係好full，張張檯都係搭檯的，好彩我一早book左姐~
食野就食兩個鐘，臨完前半個鐘就last order
加$50就可以升級，我明明booking既時候已經提過我要加錢升級
去到前台都有講我要升級，坐到埋檯竟然冇星級既標誌同點餐紙
又係要我chur d 員工俾點餐紙我，唔好咁啦/___\ 我知你地好忙，但我一早講左嘛......
唔緊要啦，之後有個好正既姐姐黎問候我，叫我快D叫野食就唔會唔開心，So Warm!!!
其實真係好多野食，有A-M既餐單，我是日就姨媽到，生冷野盡量少掂但原來唔食生冷野都冇問題，都夠多選擇！真係估唔到！
加上曉晴唔食肉，熟食都有好多呢！唔鍾意食刺身壽司既，食素既都有顧及到
真係唔錯！
仲有星級餐單，有羊架同青口!! 粥粉麵都唔會掂架啦~主力貴價食物！我同細佬食放題既習慣，就係每個種類都會叫一道，每一道叫一件
咁就唔怕食得滯同會食少左種類啦，而且咁樣入紙就以防佢漏單。
老實講，放題食物質素我真係冇期望D咩，
但係，番本既刺身、炸物、燒物同料理都係水準之上！
一開波就黎個冰梅酒先啦！幾乎所有放題，酒類都係要另外收費，呢度係任飲架！
難得有得任飲洒，梗係黎一枝先啦！
大家一定要趁凍飲，真係勁香梅味，仲要入口醇滑甘香，難得我飲完一杯又一杯!!好正!!
不過一個人飲一支好夠，全身暖晒同有些少醉
番本D野食係黎得好快，頭兩三次入單係幾乎唔使等就到齊，但之後就慢落黎單既準繩度達九成既，有人話番本係唔會漏單，傻啦，我琴晚都漏左三次單
但係正常既，咁多人喎，漏單有咩出奇？但係已經比其他放題漏少好多！
而且唔會扣數！叫幾多有幾多，而且大大件，絕對唔會辜寒，一定令你食得鋸！
唔扣數呢樣野係令到我同細佬好滿意！
★麵豉湯(左上)：夠濃，但稍咸，足料，難得★人參雞湯(左下)：幾甘香，幾清，算係咁啦，冇乜要求
★黃金焗蠔(右上)：絕對係一定要叫架！！蠔夠大隻，沾住沙律醬同面頭既芝士真係好好味，重點係夠熱！果然係即叫即製，真心好好食，唔係行貨！！
★燒翠玉瓜(右下)：呢隻我encore左十幾串，真係好好食，唔係乾架，食落去充滿甜甜既瓜汁，不過如果可以唔要燒汁就好啦，但真係推介大家叫呢個，好好食！
★刺身：我只係食左三文魚，夠厚夠新鮮，無雪藏味，但係一如細佬所講，係水準囉，係真係有驚喜既，唔係真係話好好好好好好食，當然冇得同洒店比啦，但平均上真係好食既！抵食，重點係你叫幾多片就有幾多片，我見其他檯係一大盤咁上~
★孜然牛串燒：真係極度唔鍾意孜然粉味，無晒牛味，唔好食既
★壽司：偏向細舊，一啖食晒，岩晒女仔食，而且細細件又唔會食滯人，又可以試多D唔同種類既壽司啦~火炙三文魚係極度好食，大家一定要叫黎食★軍艦：細佬話好好食，夠多汁，餡料好味
★手卷：呢個係星鰻手卷，細佬專登嗌俾我既，鰻魚好食新鮮，重點重點，飯夠黏又唔會太酸，紫菜係脆架！！！好耐冇食過脆紫色既壽司啊大佬！出面食既都係淋晒，呢個真係好好食，我encore左兩次~~
(唔好意思真係掛住食，冇影到近鏡~)★炸香蕉朱古力(左最下，洒杯下面)：因為有飯友講話呢個好快賣晒，所以一坐低就叫左呢個先，因為曉晴好易上火，所以叫一件兩份食就好了~其實只係炸香蕉，香蕉好甜，配上假假既朱古力漿，well，唔識欣賞有幾好食
★牛油蒜蓉炒帶子(中間，洒杯旁)：呢個超級好食！牛油味就冇啦，但係真係夠獲氣，熱辣辣，帶子新鮮無沙好甜，成碟幾乎我食晒，好好食啊~~~
★炒芽菜(帶子的左邊)：無乜特別，油淋淋，我食左啖就放棄，由細佬KO
★四川雞絲麻辣水晶粉(右上，洒杯上)：對唔住，呢隻野係唔算辣，唔咸，但好油，水晶粉彈牙，但係曉晴係唔掂油野既，所以呢碗野，我一啖，細佬一啖就放棄了
★卷物(最上，辣粉後面)：無乜驚喜，食唔到層次感，但花之戀幾好，其他都一般，寧願食返壽司算啦~
★炒魷魚：我唔食魷魚，細佬話一般，都係油啦，但夠獲氣，熱既，係新鮮炒既，誠意滿分！
★麻醬拌冷麵(最左偏上，芽菜隔離)：細佬大讚好食，因為我怕肥，所以唔食麻醬，但細佬成兜KO左，可想而知真係好好食啦~
炸物(紫薯芋心球、炸一口芝士年糕)：呢兩樣都係必叫既，如果你唔係易上火既呢，呢兩樣係真係無得頂！先講左紫薯芋心球，鍾意食芋頭既一定鍾意，芋頭係流心，熱既，紫薯又夠香甜，真係好食！但講到絕頂好食，連紫薯芋心球都唔夠相裡面既呢個炸一口芝士年糕好食，無一樣好食得過佢啦，成晚淨係記得佢，我仲一連食左兩舊！外表香脆但一D一D都唔油，咬落係熱到辣口，明顯係新鮮既，年糕軟糯，米味極香，咬到中間，芝士係會湧！出！黎！係啊！係湧！出！黎啊！！你明唔明有幾興奮？？？熱架！！！！除左個芝士真係咸左D之外，真係無話可說，好味到我呢加都想食！！！肥都抵！！！！以下落黎就開始介紹星級菜單既食物啦~~~
★星級刺身，每款點一件，有赤蝦、油甘魚，帶子，北寄貝：赤蝦呢，細佬話冇味既，只係放大左既甜蝦；油甘魚，新鮮，算甜，有少少腥；帶子，我有食，好香但冇咬口；北寄貝，好味，但細舊左D嘻嘻~~
★燒羊架：呢舊野真係難食到講粗口，曉晴係食羊既專家，食羊就係要食佢既騷味，唔食個隻騷味，你不如食其他肉啦，咪一樣！！孜然粉味重到一個點完全食唔到羊味，又燒得過晒火，D肉梅晒淋晒，綿到不得了，完全唔使咬就化成一pat野，真係嬲！！！！
★牛油炒雜菌：十級推介，我自己一個人食左四碟！！！！！熱辣辣上檯不特只，仲要份量十足，牛油味就冇架啦，但就係勝在唔油，食完個胃唔會唔舒服，我食得勁開心！！！！！！
★忌廉煮青口：青口夠大隻、無沙、鮮味，忌廉夠香夠味冇溝水，配合青口食係一流！其實D野細細碟都唔係好覺飽，然後，所以，我地兩個，甜品都食左兩round！
甜品就有頭先既炸香蕉，跟住就係芒果布甸，雀巢雪糕同雪米滋啦~我地樣樣都食過~~
★芒果布甸：細佬話好食，但甜左D，但放題黎講，水平不俗★雀巢雪糕：有三隻味－雲尼拿、朱古力同芝麻，我食左兩杯芝麻，好正好開心~~~
★雪米滋：有綠茶同香芋味，細佬話綠茶好食，唔甜，我食香芋都食左兩粒，好好食，但建議黎到放一陣先食，因為雪到硬晒~~
飲品因為曉晴唔飲汽水，所以飲品除左點左冰梅酒就冇掂過啦~
兩個人食到好飽好飽~~~~~
到埋單係有少少唔開心既，因為應該係兩個人$188+1架嘛
第一次就計錯單，好彩我睇到
到第二次我俾左錢之後先醒起兩個人加埋都只係$514，何來$524呢？？
番本博大霧收多$10 Service Charge???而且個Staff黎收錢都係催催催催既，
而我又飲到醉醉地，咁樣俾錯錢都好正常，但你都冇得咁樣架嘛！
嗚，今次$10買個教訓，下次唔好飲咁high同睇清楚張單先俾錢！
题外话/补充资料：
服務態度一流，無西口西面，笑容滿面之餘，速度極快！好鍾意佢地既服務！
(以上食记乃用户个人意见 , 并不代表OpenRice之观点。)
张贴
