影片
港铁旺角站 B2 出口, 步行约2分钟
继续阅读
开饭介绍
连朝日啤酒、清酒和梅酒都是任饮的番本日式放题，无论是食物质素、上菜速度和员工服务态度都是中上水准的放题餐厅。
继续阅读
特色
适合大伙人
营业时间
星期一至日
12:00 - 15:00
17:30 - 00:00
以上资料只供参考，请与餐厅确认详情
成班朋友聚餐，餐厅真心唔差，回头客。可惜已结业。## 日式放题食评### 环境这家日式放题的餐厅位于市中心，可要求坐卡位### 食物日式放题的选择相当丰富，包括寿司、刺身、天妇罗、烧烤等。我们一开始选择了几款刺身，鲜鱼的质量非常高。
继续阅读
番本放题其实一直都有食开，价钱合理上菜快选择多，除左有放题食，仲有蒸气粥底火㶽，所以今次我又带屋企人一齐去食。餐厅系三楼全层，每次去到都系坐满嘅状态，好彩今次好快就有位。饮品系自助式嘅，有冷、热柜，照顾到唔想饮冻饮嘅人，饮品种类都有好多。冻柜仲有奶冻同布甸，另一边嘅雪柜都有雪糕同糯米糍。首先点左生蚝，有茄汁，原味同酸汁辣萝卜蓉三种，用cocktail小杯上，净睇卖相已十分吸引，妹妹都觉得茄汁味最好食，但我就喜欢辣味萝卜蓉，惹味开胃。刺身泥啦，三文鱼厚薄均匀，鲷鱼刺身，肉质晶莹，新鲜象拔蚌非常有口感，白肉拖罗味道鲜美，响螺片鲜味足而又有弹性，甜虾肥美晶莹，食落好鲜甜。寿司款式都算唔少，比较特别嘅有柚子胡椒针鱼同香葱海胆碎吞那鱼寿司，仲有火炙三文鱼同海胆象拔蚌。香葱拖罗同软壳蟹迷你手卷，拖罗肉质肥美，软壳蟹香脆，米饭口感松化，一流！香囗嘅虎虾同香草鱼天妇罗，炸皮薄身，食落唔会成口炸粉，日本南瓜同溏心蕃薯天妇罗亦系我嘅至爱。北海道烧蚝，好惹味，但稍嫌沙律酱过多。芝士蟹子烧帆立贝，芝士味唔太浓，食落去唔会令人有饱滞嘅感觉。稻庭乌冬同日式鳗鱼炒饭， 饱肚一族。日式响螺蟹粥，份量同鲜味都好足。清酒煮蚬，爸爸嘅至爱，但它嘅酒味唔管浓烈，清清地，几好。中间不忘要叹下蒸气火㶽，肉类有肥牛片同鸡肉件，海鲜有鱼柳片、乌贼仔，虾同帆立贝等，菜类菇类，亦一应俱全，然后个粥好绵，够哂鲜味！另外值得一赞嘅系今晚虽然人客众多，但侍应无论系落单或上菜都好快，而且呢度交通方便，价钱合理
继续阅读
番本做紧生蚝优惠，好多人食，book枱都等左阵，个场好大地方，坐得都几密密麻麻，但放题黎讲坐得唔算逼，都几多侍应，上菜都好快。一坐低叫刺身先，有赤贝同白玉拖罗,另外再叫左三文鱼，带子，甜虾，鲷鱼，荣螺片，最重要系有象拔蚌刺身，上次黎都仲未有嘅。三文鱼系腩位够肥美新鲜，带子大粒，味道就偏淡。荣螺有咬口但就本身无咩味，鲷鱼新鲜，比三文鱼同白玉拖罗弹牙，甜虾鲜甜creamy，赤贝口感ok，好过上次，而且有少少海水𠮶种海鲜味，我特别钟意，象拔蚌刺身就比想像中探微啲，不过都相当弹牙。寿司方面我叫咗嘅同刺身差唔多，有三文鱼寿司，象拔蚌寿司，玉子寿司，同埋另外一个比较少见嘅针鱼寿司，针与寿司用咗有子醋去腌，食落有浸酸甜味，好开胃，有啲似秋刀鱼，好新鲜，平时唔系成日食到，呢个值得推介。北海烧蚝，好食但系好楼，充满着芝士白汁嘅味道，个号都鲜味，但系有少少比芝士盖过咗，食一碗都已经饱晒。芝士烧帆立贝，我觉得酸咗啲，但系果汁都仲系好好食嘅，有啲蟹子喺上面，口感几好。烧翠玉瓜当食菜，唔会烧得太林，仲有好多水份，咬落爽甜香脆。鸡软骨细细粒，好香脆，感觉唔油腻，食完想继续食落去。今晚嘅主角一定系生蚝，呢度提供三款，有普通成日食到嘅配柠檬汁，仲有酸汁辣萝卜蓉同埋茄汁口味，两只特别汁我都觉得做得几好，特别系孙汁辣萝卜蓉，酸味吊起生蚝嘅鲜味，辣辣地刺激味蕾。另外茄汁酸酸甜甜，盖过咗生蚝嘅腥味，生蚝都几大只，蚝胆好甜好新鲜。天妇罗今次我哋叫咗好多款，虎虾，南瓜，日本小番薯，蟹柳，全部啲炸粉都几薄，感觉唔系好多油，特别钟意食个日本小番薯，外脆内软，小番薯甜甜地好易入口。
继续阅读
呢间旺角既放题 平日都几抵食 200 零蚊 有好多野食 坐位正常， 但灯光偏暗 食物纸有成10 几20 款 出面可以自己拎饮品同雀巢雪糕 都算 ok 清酒梅茶啤酒任饮 抵！ 佢有蒸汽锅 所以几抵食 肥牛 扇贝 虾 蚬 鱼柳 鸡肉等 味道唔错 , 最后可以饮埋佢底下既粥 刺身好多选择 白玉豚肥美新鲜 三文鱼 希灵鱼 甜虾 仲有平时好少有既赤贝 好弹牙爽口 唔错 熟食 我几钟意佢既鸡翼同串烧 烧得几够盐香 但一定要配啤酒 仲有香浓芝士蚝 够哂香脆既炸虾 各式串烧 都几好味 但呢 d炸野一定要点啤酒整体抵食好味 几满意
继续阅读
旺角楼上铺日式放题有如恒河沙数，要脱颖而出除咗食物质素要出众外，亦要有gimmick。今次去咗近旺角中心果边嘅番本，入口喺Netvigator隔离条扶手电梯上。餐厅唔多时段有唔同收费，如果想经济一点，可选六点前或九点后入座大大只字做紧生蚝promotion。有三款味道拣，新鲜蚝当然系拣原味。生蚝嚟到，入口新鲜，有蚝味，放题嚟讲有生蚝真系一大gimmick基本上放题我唔会选择食寿司，主打刺身，希灵鱼 三文鱼 赤贝 甜虾等都非常新鲜。天妇罗 亦系必食，推介蕃薯！饮品一应俱全，但呢个柜对我毫无意思。因为竟然酒精类都任饮，冻热sake 啤酒 梅酒都有，我就全晚系咁队冻sake，真系饮sake都归本！值得一提系佢仲有蒸气火锅食，可惜我比较好刺身多D，所以都系下次再试！总结：抵食，基本上食生蚝同饮sake都已经归本！
继续阅读