新新酒樓

营业中

休息中

今日去佐敦，去了佐敦廣場十一樓的新新酒樓飲下午茶，去到話俾個門口侍應聽兩位，冇睬你，以為佢聴唔到，再大聲同佢講兩位，佢就用手勢表示知道；跟住俾咗張好細嘅方枱，我見到有幾張圓枱有位，就同佢講想坐圓枱，但另外一個侍應話：(冇得坐)，態度極之差。正想走之際，佢問我哋飲咩茶，見佢問，我哋又坐低睇吓佢點。隔離圓枱係冇人坐，枱面放咗碟薑蓉，原來是留給熟客。熟客大駕光臨前，已有幾個侍應問放在薑蓉未？聴到佢哋話呢位人客好鍾意食薑蓉。熟客坐低，叫了碗雞瀨，不久來了碗雞脾瀨，侍應超好款待，不時加水。和我哋第一次來飲茶🫖的態度相差甚遠。總結：此間酒樓侍應的態度差，食物一般，唔會再來幫襯。