湘川滬 (已結業)

晨早起床清新開朗, 陽光溫暖帶來無限美~~幸好起得早, 如果唔係......連位都無。先嚟一杯龍井, 苦而回甘~再點幾款點心,鳳爪排骨飯 睇樣子就吸引, 鳳爪及排骨都肥嘟嘟, 不過其實排骨有「嗱」過。醬撈蝦米腸 唔掂, 又乾又硬綠茶煎堆仔 新鮮熱辣送上, 薄荷味還有內餡是流心爆汁芝蔴蓉金粟鯪魚餅 鯪魚肉軟綿綿, 還有芫茜和蝦米鹹魚肉片飯 唔係好掂......肉片也有「嗱」過, 整體也較清淡。花素蒸餃 內餡有粉絲、白菜、雲耳, 全部切得細碎,入口味道清得來帶有鹹味。桂花蓮子糕 好似鑽石般晶瑩剔透, 味道清甜, 質地不硬也不軟。蒜茸蝦春卷 新鮮熱辣送上, 好重蒜茸味, 而且鹹鹹香香。菜肉雞卷 雞球大包變細版......內餡有馬蹄、薑末、白菜、雞肉、蛋白及蝦肉, 包身軟軟無癡牙。黃金流沙包 一咬爆沙......勁甜中有一點鹹蛋黄的鹹上湯鮮竹卷 很油很淋也煮得入味。 豬肚燒賣 豬肚又厚又淋, 燒賣有彈牙肥及瘦豬肉粒, 打至鮮甜彈牙。飲茶 最緊要與對的人一起喝, 就算食物質數不怎麼樣, 愉快已經是一種催化劑。