廣東名門 (青山公路-潭尾段)

营业中

休息中

一到假期就會黎呢度飲茶，環境我喜歡佢坐得夠舒服，方便泊車！小籠包-推介 多汁到呢，一個湯匙有多，皮唔厚，必食!炸魷魚鬚-童年回憶，好味，夠脆口，炸粉唔厚炸雲吞、炸春卷-夠熱，夠晒脆口，唔油！腸粉- 唔夠滑，皮厚在少少沙爹魚餅-其實沙爹同魚餅係分開上黎點，又估唔到佢地係好朋友甘夾，魚餅煎香個面脆脆甘椒鹽豆腐- 炸既豆腐外脆內滑，個面有大量炸蒜粒，夠晒香口！藥膳雞腳- 好香藥材味，當歸，正!雞腳入晒味，唔會煮到好（林），飲埋個湯，完美！另外仲有燒賣蝦蛟普通點心款都做得唔差，喜歡佢夠熱，有誠意!服務態度值得一讚，每位員工都好有禮貌，睇得出以客為先！