廣東名門 (青山公路-潭尾段)

营业中

休息中

🫣入錦田食岀名的下午茶🫖每碟點心都係即叫即蒸，熱辣辣上枱🫶🏻每碟點心都係全人手包製🫲餡料豐富，食到用心❣️價錢偏貴，但真心好好食😋仲有得免費泊車🆓

其實book mark咗呢間茶樓好耐，但係實在太偏僻，所以冇打算嚟。今日仲爭冇私家車添，但係突然間屋企人心血來潮話去，咁就喺上水搭車過嚟。咁喺上水搭車過嚟又唔算太耐都係半個鐘頭到，落咗車行過天橋都係5分鐘就到啦。入到酒樓見到佢個格局，突然間諗起三聖邨嗰間廣東名門，咁我就覺得應該同一個老細啦。因為裝修同嗰邊相差無幾。講返啲嘢食先，個燒鵝雙拼套餐幾抵食二百幾蚊有燒鵝叉燒一碟炒青菜同埋一鍋奶粉，個叉燒勁腍滑好有咬口肥瘦均勻。個燒鵝都唔差，仲要係燒鵝髀。整體點心夠熱又好食，個蝦餃皮薄多汁又多蝦肉夠爽口。個魷魚鬚都幾入味個流心奶黃包超爆汁，但係個壽桃就冇想像中咁甜偏淡。當中比較差少少嘅就係隻糯米雞啲餡料真係比較遜色咗少少。所以唔好俾佢點心紙張相呃到，可以唔叫。蛋散夠鬆化，嗰椰皇都幾清甜，值得一試。咁樣食吓，都九百幾蚊埋單，係有少少貴，但大部分食物水準都值得嘅。

廣東名門位置較隱世， 要從元朗港鐵站再坐小巴入去或者有自己車嘅朋友就會方便啲， 見餐廳嘅停車場都幾大，晚飯時間會泊滿車！一去到門口就好有私房菜feel, 餐廳裝修不俗配以各種擺設，環境舒適不失格調。另外見到門外都有位置可以坐，相信依家太熱，涼啲先會開馳名燒汁牛肋骨成條牛肋骨放咗上碟，好誇張啊！牛肋肉細嫩順滑，相信已經燉咗一段長時間。 本身牛味十分濃郁， 燒汁稍甜但伴以洋蔥等配料同牛肋肉味道出奇地夾。薑蔥豆鼓滑雞煲滑雞半身滑溜有底味，食得出係有走過油，香口而不會有膩感。配料同樣好味，彩椒，豆鼓，蔥蒜等令整道茶式融合，送飯之選！名門太子炒飯通常炒飯就食到師博功架， 呢個炒飯絕對係水準之上。金黃色炒飯中輔以菜粒，松子仁，蟹子，馬蹄等令炒飯香口又有口感。 本身炒飯炒得非常乾身，粒粒分明。特別一提炒飯入面有幾粒青豆，唔食就要提前講啦！

假期踩單車經過，見到門口幾有特色。於是就同朋友試吓。食物估唔到都幾有驚喜，特別要提係香蔥蝦米腸粉同埋香芋南瓜煲。個蝦米腸真係勁滑，而且有咬勁。蝦米加埋D蔥好香，一致認為係最好食嘅👍👍另外個香芋南瓜煲，芋頭好粉南瓜又好甜，用個瓦煲上，出到黎支支聲。非常之香。下次一定會再試埋其他野。

🚗💨昨晚我同屋企人揸車去咗元朗，經過一家廣東名門酒家，見到佢氣派的門口就忍唔住入左去食晚餐，真係驚喜到爆！啲菜真係好有特色，令我食完仲想再食！🤤🍍🍖我哋試咗鳳梨咕嚕肉，啲鳳梨肉香甜，帶有微微酸味，同埋啲咕嚕汁好濃郁，肉質嫩滑。京蔥大連鮑魚煲啲鮑魚燉得好腍，肉質鮮嫩，啲蔥仲帶有啲辣味，味道好豐富，好啱嚟食！椒絲腐乳炒通菜啲通菜炒得爽脆，椒絲味道好濃郁，腐乳令啲菜更加有層次，好有嚼勁，好好味！蒜蓉蒸海中蝦啲蝦好新鮮，肉質鮮甜，蒜蓉味道正，蒸得剛剛好，啖啖都係鮮味！同埋黑椒茄子牛仔骨煲啲牛仔骨燉得好腍，啲茄子仲留得啲口感，加埋啲黑椒醬汁，好香濃！每道菜都有佢獨特嘅風味，好好食！👌🌳雖然元朗廣東名門酒家位置唔係好好，但係呢度嘅環境真係好舒服，裝潢好有氣派，好啱嚟開party同埋同親朋好友食飯！酒家嘅服務都好好，好細心，令人感到好舒服。👍👏元朗廣東名門酒家真係好驚艷，啲菜好有特色，環境又好舒服，服務又好好，絕對係一個值得推介嘅中菜酒家！如果你鍾意中菜，又鍾意舒適嘅環境，就一定要嚟呢到試下啦！#廣東名門 #香港廣東名門 #香港美食 #香港中菜 #中餐廳 #元朗美食 #香港探店 #元朗探店 #香港必

週末放假去搵個大西北朋友飲茶，就去咗佢介紹一間元朗餐廳，同普通酒樓好唔同，佢雖然唔近市中心，但係環境好靚好啱打卡脆皮鮮蝦腐皮卷：脆皮腐皮卷比較少見，比起上湯佢更突出腐皮豆味，蝦膠滿滿好彈牙韮黃鮮蝦腸粉：白裡透紅鮮蝦腸粉勁滑，鮮蝦都好大隻好新鮮冶味椒鹽魷魚鬚小食：呢個又係脆口之選，魷魚鬚好粗大，椒鹽味好重但係唔會過鹹魚湯鮮腐竹浸時蔬：食完啲熱氣嘢梗係要扮吓健康食下菜🤣 時菜可揀菜心苗，好嫩滑，魚湯都好鮮甜朋友好介紹，下次再過嚟☺️

裝修古色古香，去到門口以為自己穿越咗去古代🤭 座位可以望到出面自然景色，服務員姐姐都好有禮貌👍🏻🌟招牌豉油雞 (半隻) $138雞肉同雞皮都勁滑，豉油滲滿每一寸，半隻份量都多好抵食🌟薑蔥牛柏葉 $39蒸籠點心上到嚟熱辣辣出晒煙，薑蔥汁好香，牛柏葉好爽口唔韌🌟臘味蒸蘿蔔糕 $35平時去酒樓嗰啲蒸蘿蔔糕係正方體切件，呢度成個碗拎去蒸，更加保留原汁原味，蘿蔔糕好滑臘味夠鹹香😋🌟鵝肝蟹子脆春卷 $48豪華版春卷，個皮脆博博，入面都食得出好香鵝肝味

今日預祝父親節，就車咗爸爸媽媽同埋家姐入元朗既廣東名門食 我地最愛既廣東菜 ❤❤ 我地一行4 人叫左好多菜， 我哋叫咗一個上湯魚肚浸勝瓜❤❤魚肚嘅份量好多 超級厚 咬落去好有口感 好滑好爽 😄 我哋仲叫左蒜蓉開邊蒸蝦 一兩$10 我哋大概叫咗10兩 都好夠食 啲蝦好新鮮 咬落去肉質彈牙 蒜蓉味好香 又唔會話好鹹 💯💯 我哋仲點左佢哋比較出名嘅碌鵝 真係好好食 同燒鵝完全唔同 我哋亦都比較鍾意食碌鵝 因為調味得好好👍🏻 我哋之後仲點咗 秘製辣酒煮花螺 鹹菜胡椒豬肚 同埋酥炸魷魚鬚🥰🥰 佢哋嘅小菜都好出色 四個人食左大概$1100 有海鮮有碌鵝，亦都有各式各樣嘅特色小菜 個人嚟講覺得性價比都算高 仲可以免費泊車

今日同幾個朋友揸車入元朗食飯 去左好出名既廣東名門 諗住試下佢地既燒鵝😈😈 我朋友見到餐廳竟然有碌鵝！佢超surprise, 我地立即叫左個例牌 hkd 188 因為我從來都未食過，所以我唔知係咩嚟😉 我朋友就話其實佢係客家菜，香港唔太多地方有得食～ 食落去真係發覺比較特別，佢唔會有燒鵝嗰種皮脆嘅感覺！但係佢油香味好重，好好食，肉質超級鮮嫩 唔會好乾柴 😍😍 我個人嚟講係超鍾意食呀～～ 朋友真係冇介紹錯！ 我哋仲點左佢哋嘅秘製辣酒煮花螺 hkd 238 份量都好多！ 因為我哋覺得花螺一定要夠辣先好食，佢哋嘅調味都好夠辣 飲左好多杯茶haha 花螺好新鮮🙌🏻 之後我哋仲叫咗幾個小食，酥炸魷魚鬚 hkd 68 同 鹹菜胡椒豬肚 hkd 58 比我想像中份量大好多 質素都好好 尤其是係胡椒豬肚係湯 好好飲 唔會死咸 魷魚鬚亦都炸得好酥脆🥇 100分嘅💯💯

宴客首選元朗高質粵菜我不嬲都成日同我朋友推薦廣東名門，今次親戚係大陸落黎我二話不說帶佢黎呢度試香港少有性價比高的高質粵菜，非一般酒樓級數！環境方面地方亦非常闊落，當日服務員數量充足，我地啲茶水無曬都無試過自己舉手，都係服務員細心留意到自動自覺，呢一點好抵讚！佢呢度仲有自來海鮮加工，平時我就一定會話自己屋企煮得好食啲嘅，不過呢一間師傅嘅手勢我信得過，會考慮下次攞海鮮過嚟椒鹽焗肉排（138）簡單例牌都可以食得出廚師嘅功架，出面嘅椒鹽肉排，好多時候都係放一啲炸到凍晒嘅蒜同埋滲啲味椒鹽上去。呢度就真係認真做菜比客人食，佢嘅椒鹽係特別配製嘅調味料，辣椒嘅味道亦都好出，肉排方面係半肥瘦好似啖啖都食緊豬扒邊名門太子炒飯（128）呢度炒飯嘅特別之處係有松子仁同蟹子，兩者都為呢個鎹增添左一番風味，松子仁嘅香味同埋蟹子彈牙嘅口感，仲有啲菜粒係入面。飯炒到粒粒金黃又乾身，好靚。整體黎講出色但係每樣配料都好平衡又有發揮作用原個椰皇燉滑奶（58）需時30分鐘。即叫即焗。入面嘅奶非常之嫩滑又唔會過甜，因為喺椰皇入邊燉出嚟，所以入邊嘅椰子都可以刨落嚟同埋啲奶一齊食。雖然一個睇起上嚟唔係好大，但係幾個人食呢個甜品份量

今日同家人一齊去左一間叫廣東名門既中菜酒家食晚飯，位於元朗青山公路潭尾段，由元朗市中心搭車入去都係10分鐘，去到門口仲有得泊車，我地4人去到叫左4款菜。“名門炭燒燒鵝皇” 半隻燒鵝皮脆肉嫩，咬落去又脆又多汁，加上香濃炭燒味配搭埋酸梅醬，愈食愈津津有味。“薑蔥魚雲煲”夠大煲，魚雲肉滑，加入薑蔥夠惹味。“西蘭花蝦球炒蚌柳”，份量夠多西蘭花翠綠爽口，蝦球大大嚿，口感彈牙，配搭雲耳炒，味道真係不錯之選。“椒鹽焗肉排”，椒鹽味夠香，咬落肉質送鬆化。4款菜都各有特色，價值合理，環境舒服，員工服務貼心！

母親節同左阿媽去食佢最鍾意食嘅中菜，因為我哋都係住喺新界區，所以就揀咗呢間比較人細嘅，環境幽雅舒服，又唔會話太多人流嘅中菜廳度食晚飯🥰脆皮燒腩仔平時出邊嘅燒腩仔都係會比較細size，而且肥肉會多啲，但係呢間中菜廳嘅脆皮燒腩仔唔止皮脆，每一舊肉嘅肥瘦都啱啱好，入口軟林林，亦都唔會燒到好乾身芝士焗澳洲龍蝦伊麵阿媽最鍾意食嘅龍蝦伊麵就梗係走唔甩啦😊以為同出邊一般茶樓食嘅龍蝦伊麵一樣，但係估佢唔到竟然係錫紙直接上枱，即係話直接焗好之後就即刻上枱，唔會過碟，所以上到枱嘅時候都仲係熱辣辣，保溫亦都好好，令到唔使食得太快嘅時候，龍蝦肉同麵條都係溫暖嘅花菇紅燒豆腐呢個菜式嘅豆腐真係可以做到主角，因為份量都多過配菜，以前記得食開呢個菜嘅時候，配菜仲多過豆腐，而且呢間中菜廳嘅呢一款豆腐又真係好好味，好嫩滑馳名燒汁牛肋骨勁欣賞佢呢個牛肋肉質唔會太難咬，入口都好易咬爛，屬於比較林身嘅肉質，勁啱老人家食，味道亦都相當不錯，每一舊牛肋肉都掛滿燒汁生果拼盤最後店員為我哋送上生果拼盤，有西瓜同哈密瓜，食得出好新鮮之餘，而且都好多汁又夠甜，誠意推介呢間中菜廳

今日老豆生日，同左佢去食佢最鍾意嘅中菜，貪呢一間又有得泊車，環境又坐得舒服🥰脆皮燒腩仔個皮脆卜卜，勁香口，肉質啖啖肉，亦都好軟身，完全唔會乾，而且可以話係冇肥膏咁濟，肉嘅分布好平均👍🏻份量都幾多，我哋四個人食都食唔晒芝士焗澳洲龍蝦伊麵呢個菜式同平時去開酒樓食嘅芝士龍蝦伊麵都有少少分別，你會睇得出佢係龍蝦加伊麵上面鋪滿芝士再拎去焗，焗完就直接拎出嚟上枱，因為見到佢係連埋錫紙一齊上，人覺得比起出邊嘅龍蝦伊麵好食好多，龍蝦亦都啖啖肉，伊麵亦都掛滿芝士汁😋花菇紅燒豆腐呢個真係要讚，豆腐份量多，而且豆腐入口好軟滑，同埋豆腐味道濃郁，真係食咁耐豆腐來講，個人食到呢間嘅豆腐真係最好味🤤馳名燒汁牛肋骨睇賣相好似比較普通，但係入口牛肋肉軟林林，掛滿晒燒汁超級香口，亦都淡淡Juice感覺，份量都唔少生果拼盤食到差唔多嘅時候，店員為我哋送上生果拼盤，生果都幾鮮甜，唔會淡淡的👍🏻出色

一家四口出左去遊車河，遊遊下去到新田一帶，諗住呢頭都無咩野食，上網一搵原來附近有間廣東名門，隨即我地就過去一試究竟。到左場之後（免費泊車），店員悉心帶位，跟住經理就親自招呼，服務一流，期間向我方推薦深海龍躉。小弟聽到口水都流埋，可惜父母二人不愛吃魚，於是又變回叫小菜。點菜後，飲啖靚茶閒聊片刻，隨即先黎招牌菜：明爐燒鵝（半隻），燒鵝皮脆肉嫩，油脂肥美，再點上烏梅子醬，食落更加惹味～其他菜式都跟住燒鵝一齊送左上黎。上菜速度好快，我地分別點左椒鹽骨，香口，份量夠，送啤酒一流選擇。西蘭花蝦球，呢味菜整得相當出色，炒製時間掌握得岩岩好，西蘭花唔會炒得過生式者過熟。而蝦球更加用上靚貨，一食落口就知質素同坊間既分別，呢味菜小弟推介的！最後叫返一個薑蔥魚雲煲，補償一下我無龍躉食，魚雲煲就比較平淡，但份量足，而且上台熱辣辣出哂煙，都有誠意。風捲殘雲一番，碟上美食都俾我地一掃而空，店員再細心為我地送上水果解膩。坐多一陣見到店員準備打烊，我地都識趣隨即埋單走人。總括，廣東名門待客服務優質，出品亦都高質，小弟相信自己會翻兜再食，看官們都不妨到場一試評下分。

😍今日入元朗探好姐妹，之後去佢屋企不遠的廣東名門食晚飯。去到餐廳門口，姐妹老公就係免費泊車位置泊好車，然之後我步向餐廳時就俾門口既兵馬俑像吸引咗，好有威嚴啊😍沿途我哋經過自設魚缸位置，水缸非常清澈，俾到我信心保證，然後有一張特大燒鵝圖下面有個模仿炭燒既煙霧效果，令人鼓舞。步入餐廳時環境光猛，而餐廳內人客不多比較幽靜，雖然坐大堂但係完全唔會聽到其他食客既講話內容，非常加分。由於我哋係第一次嚟食，諮詢職員既推介後，我哋叫咗以下幾樣菜式：💗炭燒燒鵝皇半隻由於係餐廳後面炭燒出嚟，上檯時仍然保持溫熱，皮脆肉嫩，肉質鬆軟不易黏牙，雖然有鵝嘅油脂但絕無油膩感，十分出色💗深海龍躉兩味 💫碧綠炒斑球 龍躉肉炒西蘭花，感覺非常健康，因為碟底沒過多嘅油，魚肉厚而嫩滑，西蘭花爽口，整碟菜式實屬健怡類 💫陳皮蒸頭腩 龍躉厚切而連住膠質地既魚皮位置，陳皮味極之入味，估計所用既陳皮屬高級別的，連一向唔食魚既我都食咗4大舊👍🏻💗椒絲腐乳通菜椒絲腐乳通菜非常足量，份量可以放滿多於4個酒樓的飯碗，愛食菜既朋友應滿意😃💗名門太子炒飯此炒飯職員表示係素菜無肉的，但上檯時已香味四溢，而且飯粒係粒粒金黃色