二少廚房 (已結業)

估唔到去food court食飯都可以滋補養顏， 講緊嘅係位於牛頭角巧明街 鴻圖中心地下的food court。 近門口處有間二少廚房專賣燉湯同外帶。手撕雞飯， 店舖雖小， 但係卡內涵十足。 燉湯可以散叫亦都可以跟餐， 跟手撕雞飯套餐其實只需要七十元， 以燉湯有滋補養顏 及補身健體 之效，絕對係超值。 花膠雞湯 湯頭鮮甜， 不加味精, 啖啖精華 ，飲一啖就已經feel到滿滿嘅膠質， 而且有豬展同埋雞肉一齊煲， 味道唔會太單調， 而且入面仲添加咗香菇， 強身健體就靠佢 。 薑蔥手撕雞飯 最啱懶人食，因為 雞肉已經去曬骨， 配搭蔥油食夠曬惹未。 而且碗飯夠熱，仲有幾條生菜拌飯tim! 一個男人食都夠飽。 蟲草花燉雞湯 蟲草花有滋肺補腎，護肝抗氧化，提升身體免疫力嘅功效， 喺呢段抗疫時期飲茶最啱。 所以飲完一碗要飲第二碗。 蟲草花 燉雞湯有 滿滿嘅湯料， 有龍眼肉有雞腳， 金黃潤澤 ，湯頭鮮甜滋潤。