四爺車仔麵專門店 (已結業)

今日落雨濕濕...都要過海 😅 咁只可以搵野食黎令自己開心少少！見列開飯話呢間車仔麵唔錯，就會一會佢！今日應該天氣唔好，睇話好多人排隊，我地黎到就直入！但要答枱冇問題啦！睇完 Menu 好多野想食，叫左個燉湯兩份，我地叫左 羊肚菌竹笙羅白燉雞腳，飲落好甜！但俾羅白搶哂味 🤣🤣 燉湯份量好大，我又黎眼闊肚窄 🤣首先到既係隻佬既，佢要左麻辣小辣讚岐烏冬，麻辣牛肚/咖喱牛柏葉/皇牌豬腩仔，聞落好香，但隻佬話小辣都幾辣下！個牛柏葉同腩肉我都有試，都唔錯！但個腩仔唔夠淋！到我喇！黎到嚇左一大跳，河粉份量太多喇 😅 我叫左鹵水豬腸/咖喱牛根腩/羅白，個豬腸都幾入味，牛腩同根都好淋，但咖喱帶甜！反而個羅白我最愛，好香薑味，應該落左唔少，仲好甜，我叫左豬骨湯底再加秘制沙嗲汁，都幾香口！大家都飽到一個點！抱住個肚走！