海天亞洲漁港 (已結業)

　昨日，小弟約埋兩個好耐冇見之朋友到此飲茶，可能時間尚早（十時許），重有大把空位，好容易就搵到個位。我一行叫五個特價點心：雞絲蒸粉卷、叉燒腸粉、皮蛋瘦肉粥、潮州粉果同煎蘿蔔糕。呢間酒樓，早上十一點前埋單，係特價，所以我食咁多，連埋茶錢加一貼士，五十蚊咋。就算AA制，一人都係出十七蚊！好話唔好聽，茶餐廳食早餐，甚至乎去「點ｘ皇」，都冇咁平。而且樓面同傳菜阿姐，招呼幾好，空間亦充裕，唔似得隔離之倫敦咁擠迫。