影片
更多
2009-09-09
214 浏览
屋企人響報紙睇到, 原來金茶王大賽季軍係響深井開檔的. 作為深井的朋友, 理佢68蚊杯奶茶丫, 即打去book啦! 鄭生響電話話平日開2至9. 假日開早d. 最好平日去, 因為假日好多人, 佢沖唔晒甘多. 不過最終我地都係weekend去. 去到發覺果然如報紙講, 間野根本只係間賣玩具的舖頭, 仲好舊下. 舖頭中間就放左張怪型木檯同幾張怪型木凳, 好似科幻片d鬼樹o甘…不過都幾型. 黎到梗係叫奶茶. 鄭生話既然我自己係鍾意飲咖啡, 就叫佢杯128蚊籃山咖啡, 佢話佢沖咖啡多過奶茶好多, 仲話我試左佢杯藍山後會對藍山咖啡改觀甘話. 總之~ 佢好多野講啦.原來沖茶的唔係鄭生, 係佢個仔, 仲好快已經沖完. 個人睇, 除左佢唔係用杯裝, 係用大碗裝, 同都落幾多奶外, 唔知同平時睇人沖奶茶有乜分別. 飲落杯奶茶好重奶味. 有茶味但唔強. 跟住鄭生就話佢的奶茶係要放一個鐘先好再飲! 然後佢講左一堆道理, 有好多terminology, 例如: 回甘味, 水分子. 個人唔係奶茶專家, 不過覺得有o甘多奶當然好滑, 不過飲左幾淡都唔係完全唔鞋口. 爸爸就話正, 有茶葉味. 我….都係期待我杯藍山.
去到發覺果然如報紙講, 間野根本只係間賣玩具的舖頭, 仲好舊下. 舖頭中間就放左張怪型木檯同幾張怪型木凳, 好似科幻片d鬼樹o甘…不過都幾型.
黎到梗係叫奶茶. 鄭生話既然我自己係鍾意飲咖啡, 就叫佢杯128蚊籃山咖啡, 佢話佢沖咖啡多過奶茶好多, 仲話我試左佢杯藍山後會對藍山咖啡改觀甘話. 總之~ 佢好多野講啦.
原來沖茶的唔係鄭生, 係佢個仔, 仲好快已經沖完. 個人睇, 除左佢唔係用杯裝, 係用大碗裝, 同都落幾多奶外, 唔知同平時睇人沖奶茶有乜分別. 飲落杯奶茶好重奶味. 有茶味但唔強. 跟住鄭生就話佢的奶茶係要放一個鐘先好再飲! 然後佢講左一堆道理, 有好多terminology, 例如: 回甘味, 水分子. 個人唔係奶茶專家, 不過覺得有o甘多奶當然好滑, 不過飲左幾淡都唔係完全唔鞋口. 爸爸就話正, 有茶葉味. 我….都係期待我杯藍山.
佢的藍山豆係UCC的. 佢話sogo都有得賣wor. 想問佢用乜沖咖啡之際, 佢個仔又出現, 佢地竟然用沖奶茶的方法沖杯藍山!! 都係用碗, 都係用好多奶. 飲~~ 好重奶味~~ 但飲完幾啖d咖啡味真係響個喉嚨湧返出黎! 勁! 跟住鄭生就話佢的咖啡係要放一個鐘先好再飲! o甘先飲到佢杯咖啡有幾勁!
跟住的時間就係佢講d奶茶咖啡道理. 同場加映附近舖有人過黎想外賣佢d奶茶. 鄭生就好寸甘話："我地d 奶茶係唔出門口的. 你叫佢自己黎飲啦!!!" 好有態度!
一個鐘後再試佢杯咖啡, 係如佢所講, 咖啡味重左. 凍左依然好飲. Amazing的係奶茶咖啡都一慨冇落糖, 但都真係幾好味.
報紙話佢有整cheesecake, 當日佢話佢唔得閒整所以冇. 但佢卑左我地試佢自製的blueberry 醬, 係幾好味, 唔會好甜. 如果cheesecake整得好, 應該幾好味.
總結: 68蚊杯奶茶, 128蚊杯咖啡o甘的地方飲值唔值呢? 個人覺得加埋鄭生講成個鐘道理就值. 哈哈. 當個假日節目都好. 不過下次我再想飲佢杯藍山可以點? 見件事o甘特別, 仲響深井發生, 卑個笑佢啦~
张贴