影片
相关文章
一向都唔好咖啡同茶，因为会瞓得唔好。有朋友从汕头来香港，带他们到深井食烧鹅，老公好耐之前已经讲过呢度嘅咖啡超好饮，于是顺路带他们来试试。我一入到去就话我净系试一啖半啖，所以唔使预我。老板就立刻用科学去解释点解会瞓得唔好，然后豪言话饮咗佢嘅咖啡瞓唔着，你都会觉值得！老板好好，用两杯咖啡同两杯茶嘅份量，分咗五碗茶同五碗咖啡，等大家都可以试！一边冲茶/咖啡老板一边讲咗好多历史同知识，放心～一啲都唔闷，老板好有趣。饮第一啖咖啡，我真心唔觉得有特别，但下一秒，老板讲嘅味道入咗喉咙又走返出口腔𠮶啲感觉真系应晒！杯咖啡冇落糖，但系一啲都唔觉得苦，又唔觉得涩，又唔觉得酸！有啲滚动眼湿湿：真系突然有杯咖啡会令自己对咖啡改观？！完全始料不及！完全认同老板讲嘅：饮咗佢杯咖啡，瞓唔着都抵！我同老公讲呢杯咖啡咁贵系绝对值得嘅！真心highly recommend 大家自己试试，我都想知本身钟意饮咖啡嘅人有咩感觉？仲有杯茶，老板即兴玩味觉，加柠檬之后又再加胡椒粉，味道又出奇地夹😂返到嚟上OpenRice睇，原来老板冲奶茶都系拿手嘅，已经决定下次去要一碗奶茶一碗咖啡🥰最后小tips，大家唔好当系茶餐厅，匆匆来匆匆去，预多啲时间，老板会慢慢冲，同你吹吓水。亦唔好以为系静静地叹杯咖啡，呢度似系品茶品咖啡workshop咁😉最后最后，第一次觉得值得为此写食评！爱上老板冲嘅咖啡！
继续阅读
裕记晚饭后，食过裕记啲茶芥花生唔错.见系隔离间郑记士多见到啲淮盐花生🥜卖相几好，就问店主阿伯呢啲系咪就系裕记个只花生.佢答系，于是买咗一包$50蚊返屋企试.开封后试咗一粒入口，完全唔系个样嘢.好大阵油亦味又淋身，净得少少咸味.劲难食.分明系摆咗好耐.仲要摆出嚟呃食客.成包掉咗.$50蚊当请阿伯饮茶👎除咗花生，仲有话梅、咸柠檬…零食卖.大家谂下要唔要试就自己谂
继续阅读
今日终于去左试奶茶。 怀住好大寄望，满足而回。老板每冲一款饮品都详细介绍说明一番。 了解左过中做法更可用心品尝。奶茶又滑又厚，入口茶味香浓。老板一再强调要留下半碗凉至室温，茶香更好。果然味道更上一层楼。铁观音latta, 饮一啖花香在囗中爆发出嚟，唔系讲笑，我真系用手撼住个咀。回甘一段时间，再饮奶茶，花香顿然消失，只有奶茶味道，再饮latte, 花香又在口中爆发。呢个玩法叫转台。唔到你唔服。品茶之余又学到野。不枉此行。
继续阅读
放假日冇咩特别野做，就周围揾吓有咩嘢好食..揾揾下又揾到呢间郑记士多，睇过食评佢系出名饮咖啡奶茶，但系价钱就一啲都唔亲民。同男朋友过去，叫咗一杯奶茶同埋一杯咖啡，老板好有心机咁冲咖啡， 一路冲一路讲解！睇住成个过程，又使煲到煮咖啡，完全感受到佢对咖啡嘅执着！老板见我哋两个人好细心咁帮我地每样分左两碗，俾我哋两样都可以试晒！佢嘅咖啡同奶茶都唔落糖，仲会叫我地分段饮感受下唔同嘅温度有咩唔同嘅口感！系佢嘅指导之下好似真系有啲分别🤔🤔同场加映，老板自家制嘅龙虾汤雪糕😍仲要用烘咗嘅牛角包一齐食！龙虾汤雪糕真系好好味， 每一啖都好似饮紧冻嘅龙虾汤咁样，加埋暖暖地的牛角包，劲夹！但系留意番，呢个系唔公开发售，食唔食到就睇老板心情啦！同个老板倾吓计饮下咖啡食下包，咁就过左两三个钟啦😰
继续阅读
上个月walk in，好彩老板有时间招呼！今次做足准备，订位！今次一行三人去学嘢！😍试铁观音Green tea latte，奶茶同埋咖啡！惊喜之作，讲得兴起，老板卖大包，送中国茶，蜜兰凤凰单丛！首先蜜糖味，然后花香味，最后回甘。。。三样次序可随佢技术点调都得！ 无论奶茶，咖啡，中国茶，Green tea latte，饮完一样即刻饮第二样，味道即刻系第二样，𠮶个感觉真系好得意。。。！打泡嘅茶筅，系我国前人发明💪最佩服嘅系，老板完美地控制住单宁！味道系越饮越正！刚冲好时同摊半小时、一小时、1.5小时之后。。。味道唔同晒，层次完全调转晒！越来越好味！摊冻后完全冇苦涩味！去边度揾？！又一次味觉大考验！真系神乎其技！🙇🏻五体投地！！😍最后，感谢老板非常伟大，将咁多年嚟，不断钻研嘅技术、技巧分享比我哋，为嘅，系唔想失传！用佢毕生绝技去帮助弱势社群，重燃香港人守望相助嘅精神！听君一席话，胜读十年书！感谢
继续阅读
您可能会有兴趣的...