海港酒家

营业中

休息中

自問中意食點心嘅我，酒樓真係試左好多間，而呢家連鎖‘海港’就性價比都唔錯。第一次試個間係太子，今次來到西寶城分店，疫情關係，唔洗等位，直接入，天氣凍叫左個臘味三拼飯食，仲有豬腳薑，韭菜豬紅煲，胡椒鹹菜豬肚煲，全部都係暖身食物😋，呢四樣都做緊午市特惠優惠，每樣$28，而且份量絕對唔少，睇圖就知。點心繼續保持水準，價錢又唔會貴，相比起其他連鎖酒樓或者米芝蓮酒樓，呢間真係高CP，一路食一路同fd吹水，不斷都見到有街坊熟客來訂海鮮，特別係長腳蟹，係疫情之下，只要真材實料同有口碑，先做得長久。