海港酒家

营业中

休息中

一家人共10人慶祝母親節， 點知一坐低， 個侍應就不停咁問， 你哋會唔會飲湯， 我哋話等一等先未睇完餐牌， 過咗唔夠一分鐘，佢又過嚟再問， 語氣態度非常之差， 跟住就話 ，如果你哋唔飲湯我就收咗啲湯碗， 我哋同佢講我哋會叫湯咁佢就走開咗喇， 過咗一陣又走過嚟 話要同我哋落單， 我哋話都未睇完等一陣間先， 佢就冇回應就走開咗喇， 非常之冇禮貌 ，跟住落單嘅時候講個菜名畀佢，佢話要比個number佢， 語氣態度非常之差， 跟住我哋話唔記得個number喎你睇啦 ， 跟住佢發曬脾氣叫第二個人嚟幫我哋落單，未開始食飯就已經受氣， 啲嘢又唔係特別好食， 咁樣服務嘅餐廳唔會再去囉

今日聽朋友講海港酒家燒鵝特價，38元例牌真係好平，於是拖住 Honey 搭長途車來吃燒鵝，在門口見到餐牌，原來特價的還有蒸魚，真是超實惠。於是二人坐低開茶點菜，等食平燒鵝。兩支公點了一碟例牌燒鵝，一個櫻花蝦粉絲椰菜煲，一葷一素健康開心。 這裡的茶位費也很便宜，只是13元一位，白飯15元一碗，也是很實惠的。兩碟菜很快送到，燒鵝份量不小，都是胸肉部分，但顏色暗啞，無燒鵝香味，食落肉有點梅梅地，明顯不太新鮮，鵝皮也不脆，望下隔離大台客的燒鵝明顯不同，大大碟，皮光肉鮮，香味可聞得到，好失望😔，酒樓將不新鮮的鵝給新客或消費少的客，似乎不是理性的做法。🤬櫻花蝦粉絲椰菜煲就很好，份量足，煮得香口乾身，配搭了蛋皮芹菜，好味又能送飯，雖然價錢💰不是特價＄118，至少是貨真價實，交足功課。👍

一家於21/1/2025去西環海港吃團年飯, 5口子點了長腳蟹又龍蝦燒雞燒鵝豆腐, 本是喜樂滿滿。可是直到晚上八時半, 鄰近兩張大枱的一邦食客飲酒之餘開始吸煙, 旁若無人！當晚食客滿座有老有少, 我請求服務員為此作出適當處理。服務員（1）苦笑說：「冇辦法啦人哋飲到醉薰薰...」服務員（2）說：「我都冇辦法...」服務員（3）鼓起勇氣走到那兩枱彪形大漢前指著我們說：「先生,有人投訴你哋吸煙！」 接著那邦大漢狠狠地瞪著我們, 還有一個說：「不用理會！」服務員（4）重複叫我們向管理層投訴！食肆禁煙是法例, 食客向店員反映是盡公民責任；店員坐視不理是幫兇是委責是縱容！可是我們反而像是被點了相, 被服務員出賣, 受盡白眼和嘲諷！！很後悔沒一開始即時報警！因為控煙辦個舉報熱線也是長响沒人接聽, 都是廢的！最後因為煙味太烈, 我們怱怱把最後遲來的一道長脚蟹吃完便無奈又掃興地在9時結賬離去！埋單$2800, 人均 $560 也要無辜吸食二手煙, 還一肚子氣不能伸張！欺善怕惡有法不依我是多年食客, 但今次經驗令我對貴店十分失望！短期內不會再光顧了！

我同屋企人都幾鍾意黎呢間茶樓飲茶，貪佢坐得幾舒服，而且幾抵食🤑上次3個人食左下面呢6樣嘢，埋單都唔洗$200，而且食到好飽 (可能因為樣樣都係澱粉😂)🍽️金瓜芋絲餅呢度啲嘢食幾有特色，唔係度度都有，尤其係金瓜芋絲餅，冇喺其他茶樓度見過，作為芋頭愛好者一定會叫🍽️中山甜薄撑甜薄撑個皮非常煙韌，裡面包住花生碎，外面都有大量花生碎同椰絲，甜甜地幾好食🍽️雪山叉燒包雪山叉燒包個皮比較淋，個包好大、叉燒餡好足，又係一個飽肚之選仲叫左：🍽️五香咸水角🍽️芥末明蝦角🍽️雞蛋叉燒腸

西環得呢間酒樓最大，週末有親友回港，book 10 個人位結果俾8人枱，只有7套碗筷和七個坐位而且有啲迫，前前後後逐套碗筷俾過來，最後大家先有位坐同有碗筷，一開始已經十分混亂，但全店係未滿座，D著黑色suit 嘅部長？好多個唔知點解有自我忙碌嘅表現，落緊order 都要突然走開去唔知做乜，幾次都完全唔係有其他客要佢哋幫忙！又冇人喺出面等位，幾個一齊做埋一啲無人明嘅野，結果我哋好耐心咁等…..要叫好幾次先落到第一轉order,加菜或飯仲慘，已經冇催佢，分別叫幾次等咗好耐都完全唔想理你⋯⋯最後其中一個部長喺隔離老遠set 緊一張無人坐嘅枱時問想追加D乜….. 我哋冇行去果一張枱話佢知想加乜，就咁喺位咗講幾次佢又聽唔到……搞到有親友要好大聲講先聽到，佢聽到時又可能覺得果個親友唔禮貌（事後問番個親戚佢當時真心諗住大聲D慢D希望佢聽到，完全冇諗過俾番同樣惡劣的態度），定鏡咁望住咗我個親友一陣。送兩罐汽水來時，唔知點解其中有罐汽水個底脹晒，好彩見到，如果唔係一開就噴到周圍都係！ 從來未試過咁嘅情況！反而送菜上枱果D姐姐好正常，咁嘅服務態度，真係好難怪人唔想喺度消費，冇乜事唔會再幫襯呢間了

依間酒樓睇落好似好好食，因為長期都有人排隊，真係唔知點解其實食物真係普通到不得了，服務態度又唔好😂尤其是下午茶，如果唔係識得人排到你傻，但係識得人，幾時入去都有位🙄你知點解㗎啦😅

西寳城海港酒家簡直就是香港飲食業的害群之馬，香港人不留港飲食它有很大的功勞。食物差、服務差、環境衞生差，但係收費一點也不便宜。跟侍應下單7碟菜，等了一個多小時只來了4碟，後來才發現原來有3碟跟本没有落單，負責侍應處理此事的態度簡直厚顏無恥，我們不想跟他們糾持下去以免有失身份，我們只好在小朋友扭計加上未吃飽的狀況下離開，完全掃興。我知堅尼地城只有它一間大型酒家，所以它多年來獨市不愁生意，但我們也不會再忍受它的爛，永遠不會再幫襯。

當值經理居然鬧客人冇质素，仲要叫人行开啦！都唔知咩經理，這樣对客，我人生第一次遇到！真係食左的野都想嘔返出來！客人先後到場，拿左两張桌子，各自叫了食物，但刚剛落单，才发現对方到了，想取消一張单，那個当值經理居然話唔得，又话客人态度差，唔幫你取消，我谂住拿着2張单去找經理搞，个女人便叫我家人过去買另外張单，野都冇食，又话我冇质素！又叫我行开啦！恐怖，呢的人！以後都唔再來！

其實呢啲連鎖式酒樓，實在冇乜嘢特別需要提及嘅地方。始終好多食物都已經係中央處理好，呢個唔緊要。但係估唔到要即做嘅食物或者燒味都可以同想像相差咁遠。服務亦都非常之有需要改善嘅地方。好多年前我都喺呢度嘅街坊，一兩個星期就嚟呢度飲茶。嗰陣時都覺得係一個可以同一家人或者長輩嚟食飯坐低飲茶嘅地方。經過疫情之後冇嚟到咁耐仍然屹立不倒其實都好犀利㗎啦。但係估唔到食物質素同埋服務方面可以同以前相差咁遠。炸蟹鉗係炸完再返炸嘅，超實而且入面係鬆散冇乜蟹肉，然之，自己整都可以好食過佢。蒸條魚其實都唔算大條，又可以蒸到老曬。魚翅湯還好，不過收得太杰。食落去唔係太過舒服。隻雞仲大鑊，又老又冇雞味。至於服務，明明應該係跟住套餐個次序出，竟然第二道菜之後就嚟碟伊麵，再上湯，魚，菜，雞。。。。我問佢哋伊麵，唔係最後先上嘅咩？佢哋竟然答唔係應該點😅😅😅😅 問多幾句灰灰氣氣。其實冇乜特別，真係唔使專登嚟呢度食又要受氣😅😅

大中伏，過來商場，冇其他想食，入呢間，又慢又難食，態度仲差，除非冇得撿，千記唔好來。一開頭就上錯嘢，好心提醒店員，個個都唔想理，加水好似要你求佢，六樣嘢上咗近一個鐘，催又唔俾催，一定唔會再來。

最近去西寶城海港酒家飲茶，坐坐吓發現身後牆邊有幾隻小曱甴，嚇到我唔敢坐，位置係右邊海鮮缸同廚房附近嘅飯枱嘅牆邊我睇返openrice同google map嘅評語，見2022已有食客不滿酒樓多曱甴，希望酒樓正視，做好滅蟲。

如題，千萬别點這道菜。有一個貌似女部長，在我下單後走來再三查問，我是否要點果皮蒸鮑魚，她說這是冰鮮的大連鮑，有點韌，著我考慮改用鮮鮑。由於價錢有差距，我按照原意下單。結果上來4隻有殼的大連鮑(何以冰的會帶殼?)，肉質比橡皮還難咬開，最終吞不下2隻，還剩2隻在碟上原封不動。找數時向該女部長反映，著酒樓應該將此菜下架，不要將壞的海鮮出售，以免影響商譽。可惜女部長一副「我不是已經知會你可以選鮮鮑的嗎? 我怎麽知道品質如何!」態度極其惡劣。可能曾有其他食客作出投訴，最後女部長主動取消此菜收費。

下单之后，大概40分钟还没有上菜，所以就请服务员帮忙催一下，结果完全不理我们，拒绝催菜，态度也很差。甚至一定要发生争吵，我很不理解，为什么就是一句崔菜的话都不能说。后来找到经理，发现是上梁不正下梁歪，经理自顾自忙自己的事情，完全不理会我这边的诉求，反而觉得是我们这边无理取闹，态度又非常恶劣，还跟我说自己的孩子比我大，相信孩子一样来训顾客，不知道是哪里来的底气菜品总的来说到还可以，但是服务太差了，半天找不到人，不推荐

Everything is disgusting at this restaurant, we ordered prawn dumplings and usual items and there is no Flavour and taste! The dim sum is mass produced from factory in China and not hand made, skin is thick. Will never go backThe best thing was the service where at least the bring condiments when asked and it’s relatively fast but food is -10 score

平時去開上環海城野食都好食。假日就帶家人去飲下早茶。點知今次去西寶城就出事。雞翼六隻有一半都唔熟。野食又出得慢👎🏻加上服務態度非常普通。本身一家人去食飯開開心心最尾都食到嬲嬲地。非常之無奈