影片
更多
2017-09-24
216 浏览
琴日同親戚相約飲茶，佢地book左一間位於中環嘅中菜館，當時我就心中暗喜😋好野又有好野食。去到發現餐廳真係好高檔，裝潢舒適之餘餐具亦都十分精緻。一去到服務員就問我地想飲咩茶，見到我地有啲猶豫嘅時候就話原來佢地都有凍野飲，於是我地就叫左杯橙汁同竹庶水散下熱先。之後就開左壺菊花茶，飲落有淡淡嘅菊花清香，唔錯~店員好細心嘅注意住我地枱上嘅情況，一飲晒杯茶就有人幫我地添所以比多啲錢食服務都值得。呢個魚子鮑魚芋盒即係平時我地食嘅芋角，上面放上原隻嘅飽魚同粒粒魚子。鮑魚口感嫩滑鮮美，係成道點心嘅亮點。鬆脆嘅芋盒裏面包住芋泥同豬肉，令人回味無窮。呢道香檳石榴槤叫嘅時候真係唔知係咩黎，都係抱住一試嘅心態去點。點心外皮大概用左石榴汁整成，所以係粉紅色，賣相非常吸引。食落餃皮入面包住一啲海鮮，有淡淡嘅酒香，味道非常獨特(係無榴槤味架~)。蒜泥白肉係外面都食得多，呢度嘅蒜泥白肉出色在於廚師嘅細心。廚師將豬肉片卷住青瓜片，令食嘅人既食到白肉嘅肥美又食到清新爽脆嘅青瓜，非常開胃。鹿兒島叉燒似乎係店舖嘅招牌菜，試過又真係幾出色。叉燒外層淘滿左厚厚嘅蜜汁，肉質嫩滑，油脂分佈均勻 。呢道金貝蟹肉餃賣相已經非常精緻吸
去到發現餐廳真係好高檔，裝潢舒適之餘餐具亦都十分精緻。
一去到服務員就問我地想飲咩茶，見到我地有啲猶豫嘅時候就話原來佢地都有凍野飲，於是我地就叫左杯橙汁同竹庶水散下熱先。
之後就開左壺菊花茶，飲落有淡淡嘅菊花清香，唔錯~店員好細心嘅注意住我地枱上嘅情況，一飲晒杯茶就有人幫我地添所以比多啲錢食服務都值得。
呢個魚子鮑魚芋盒即係平時我地食嘅芋角，上面放上原隻嘅飽魚同粒粒魚子。鮑魚口感嫩滑鮮美，係成道點心嘅亮點。鬆脆嘅芋盒裏面包住芋泥同豬肉，令人回味無窮。
呢道香檳石榴槤叫嘅時候真係唔知係咩黎，都係抱住一試嘅心態去點。點心外皮大概用左石榴汁整成，所以係粉紅色，賣相非常吸引。食落餃皮入面包住一啲海鮮，有淡淡嘅酒香，味道非常獨特(係無榴槤味架~)。
蒜泥白肉係外面都食得多，呢度嘅蒜泥白肉出色在於廚師嘅細心。廚師將豬肉片卷住青瓜片，令食嘅人既食到白肉嘅肥美又食到清新爽脆嘅青瓜，非常開胃。
鹿兒島叉燒似乎係店舖嘅招牌菜，試過又真係幾出色。叉燒外層淘滿左厚厚嘅蜜汁，肉質嫩滑，油脂分佈均勻 。
呢道金貝蟹肉餃賣相已經非常精緻吸引，金黃色嘅餃皮入面包住豬肉同蟹肉，蟹肉嘅鮮味遠遠蓋過左豬肉嘅膩感，好食~
酥皮叉燒包我都唔係未食過，但係呢度嘅叉燒包值得讚嘅除左係口感鬆脆外，仲有嘅就係佢入面嘅叉燒都粒粒分明，唔會好似出面嘅叉燒包咁只係食得出肥膏。
芝士白汁帶子撻外層鬆脆，食落有白濃嘅白汁同帶子鮮美。
小籠包外皮厚度剛剛好，唔會太厚又唔會薄到入面嘅湯汁漏出。
最後要左碗馬蹄露做飯後甜品，馬蹄露清新唔會太甜，粒粒馬蹄非常爽口。
中華匯館服務佳之餘點心亦非常精緻出色，食完真係覺得點心除左係一道不可缺少嘅中國文法，仲係一門考功夫嘅手藝。比較貴嘅價錢去享受一道道嘅藝術品，我覺得非常值得。
张贴
