滿記甜品 (新城市廣場一期)

营业中

休息中

滿記好耐冇食啦，難得經過，睇餐牌覺得好似多咗好多甜品，所以揀咗佢。要咗個雜果涼粉，因為本人好鬼鍾意食雜果。今次個雜果涼粉有分椰汁底同芒果汁底，芒果汁底要加＄4 ,好唔抵，所以叫咗個椰汁底嘅。雜果有西瓜，哈密瓜，芒果，木瓜，同埋海底椰。一望落去紅橙黃都有齊晒，其實應該再加啲綠色落去，咁樣視覺效果會靚好多。一食覺得哈密瓜好鮮甜，的確，其他生果都好鮮甜，仲以為佢d生果咁新鮮咁甜，當我食埋海底椰之後，就知道少年我真的太年輕了，啲生果應該係可能會係做咗少少加工。因為連啲海底椰都係甜嘅。正常應該冇乜味架嘛。不過食甜品就係要甜，佢啲甜又唔會好假，所以都OK嘅。如果大家係要追求完全冇加工嘅鮮果甜品，奉勸大家千祈唔好食雜果乜乜乜。