甜入心 (已結業)

今日同女朋友食甜品，岩岩食完日式串燒即刻走去隔離食糖水！女朋友難得有胃口食，我就陪佢食啦！布丁！滑溜布丁入口非常幼滑，輕盈布丁食完唔會飽，一解甜品口癮！朱古力冰冰！好多白玉丸子，女朋友即刻清哂！綿綿冰幼滑，朱古力味濃香甜，好鐘意旁邊有朱古力蛋卷，成碗都好豐富！心心窩夫！蛋味香濃驚喜，入口鬆軟蛋味突出，入口唔會乾唔會硬，軟熟好出色！加上朱古力雪糕和朱古力醬，味道豐富滿足！同女朋友分下分下又食哂一個甜品！