京滬佳餚 (Fashion Walk) (已結業)

平時都有經過呢間餐廳，但係一路都冇去食。但係今個月見到有着數所以不妨一試!今個月有着數星期一至五片皮鴨半價同埋每位客人送一粒小籠包。嗌咗好多嘢食，但係有啲嘢唔記得影相。醉雞，蘿蔔酥，爆汁牛肉煎餅，砂鍋花膠雲吞雞（正，抵食），孜然小羊排，外婆紅燒肉（肥瘦唔均勻唔係黃金比例），上海粗炒（一般般）等等。實在嗌咗太多嘢食所以好多嘢最後都係打包嘅。嘢食嘅味道唔差但係唔算熱只係和暖。Manager and Mr On Ling服務一流。  可能知道我哋煩，所以特別對我哋好。我哋一定會返嚟因為仲有好多嘢想食。