Zeng (已結業)

今日嚟咗一間好chill嘅餐廳！望到維園夜景，個view超靚，環境都好唔錯，係簡約北歐嘅風格。呢度主要係飲嘢食shisha嘅地方，不過都有好多食物選擇，午市黎仲有set lunch。和牛西冷牛扒配秘製香醋和新鮮山葵，可以自己揀幾多成熟。呢個係五成熟，一客大約有6件，牛味濃，好正！軟殼蟹天婦羅，即叫即炸！上菜時熱辣辣，脆卜卜 ，配上松露沙律醬勁惹味！龍蝦沾麵，麵質有口感，唔會淥到好林身，龍蝦汁好濃，夠熱所以唔會有腥味，調味啱啱好，就算就咁飲啲龍蝦汁都唔會特別咸。拉麵掛湯，龍蝦肉甜，貨真價實。食完野都叫左shisha，朱古力味配牛奶底，食落味道甜甜地。