京．33 (已結業)

今日3點幾經過呢頭，餐廳內又唔多人，就一於試吓呢間啦，叫咗份龍蝦堡套餐。飯團沾上麵包糠、蛋漿，然後炸，炸完切開一半，放上菜、龍蝦、芝士、醬料。飯團暖嘅，唔似即炸喎，龍蝦就凍，龍蝦尾仲有雪櫃出嚟嘅凍添。紫菜好脆，包住飯團食，要快，因為紫菜好快變軟呀，飯團咁整又幾好食，龍蝦爽彈。唔知係唔係，為咗龍蝦，所以飯團要暖呢套餐有蟹籽沙律，蟹籽好少囉，咁嘅價錢算係咁上下。薯條都冇咩特別，唔係自己整嘅厚切薯條。巨峰乳酸梳打調得幾好飲。