第三站

近來朋友轉左新工返旺角，佢話聽同事講有間樓上café幾好，所以佢帶左我去呢度食飯。呢間樓上café都幾大，去到都幾多人，全部都係梳化卡座，真係坐得幾舒服。入口門就見到有個架放左d borad game，鐘意傾吓計又得，玩吓又得。呢度有set dinner另外包一杯38蚊以下飲品，多左就補差價。我哋就叫左兩個set dinner，另外加多38蚊就有沙律同埋甜品。沙律：菜洗得乾淨，新鮮，醬汁係麻醬，都ok喎。黑松露帶子鮮菌燴意大利飯：入口都幾多帶子同蘑菇，細細粒，啖啖意大利飯沾滿松露汁，軟硬適中，整體味道唔錯。煙三文魚野菌忌廉闊條麵：煙三文魚有兩塊大大塊，蘑菇算多，醬汁creamy得黎又唔會太漏，闊條麵硬度剛好，份量正常。特濃朱古力：呢個係朱古力系列人氣之選，朱古力味道比較重，又唔算太甜，面果度仲有好多cream，溶左口感滑左，凍冰冰，啱晒今日咁熱嘅天氣。藍莓乳酪：好大杯呀，朋友話藍莓味夠香，味道酸酸甜甜，都幾好飲。法國朱古力芝士蛋糕：朱古力味濃，比較甜，質感軟軟，幾好。紐約芝士蛋糕：帶有芝士嘅鹹味，少少甜，味道特別。