至尊滿屋日本料理 (已結業)

同大胃王朋友慶祝生日，首選當然是放題！飲品方面，有大量選擇，果汁汽水，有熱有凍任君選擇！仲有梅酒清酒同apple cider添！入正題！壽司大小適中，唔會太大舊飯食到飽晒！刺身好多都係厚切！唔會好孤寒咁好似紙一樣！而且都好新鮮同肥美！天婦羅同其他炸物燒物都好好味！首先炸漿唔厚，而且上枱嘅時候係勁熱辣辣，食得出係即叫即整！要讚一讚個稻庭烏冬！牛肉好滑，烏冬彈牙有嚼勁，湯底清中帶甜，good！除咗紙上面嘅食物選擇，出面仲有沙律，甜品，同小量熟食可以拎！食足兩小時，最後仲有一人一杯雪糕揀添！呢度嘅staff服務好好，而且最重要係速度快！上枱快，收碟又快，唔會浪費你嘅時間等待！very good!