101手工涮涮鍋 (已結業)

今晚同老友走黎尖沙咀利時商場行街.....之後買完衫梗係要醫肚啦....但係行嚟行去都唔知食乜好...我老友今日又話唔想食日本野.....又唔想食小菜....跟住又話想打邊邊卒之俾我諗到走去101唰唰鍋打個邊爐先....因為打邊爐最緊要地方舒適....張枱仲要夠大可以放好多唔同嘅嘢食....呢間101唰唰鍋就係最好嘅選擇入到去環境都好寛敞架未到七點已經差唔多坐満人我絕對欣賞呢度嘅湯底....比起一般打邊爐坊間嘅湯底選擇多好多我哋揀咗個冬瓜卜卜蜆海鮮鍋做湯底💐💐💐而且佢仲有好多打邊爐食材俾你無限追加嗰啲蟹柳條長過你隻手掌....響鈴粗過你手臂最重要特飲任你無限添飲淨係飲佢兩杯盆栽香芋珍珠奶茶已經回晒本.....因為出邊飲一杯起碼要40-50元....真係抵到嚇死你淨係睇你幾盆野....已經流晒口水....尤其是佢嘅西班牙依比利亞黑毛豬肉片....食到你停唔到口...博博片....而且肉質肥美....另外佢嘅手工丸...粒粒都好有質感....尤其是嗰個墨魚汁了結糖....食落去除咗有墨魚味之外....仲有杏仁粒真係不得了另外如果你一大班人來....仲可以book一間房有自己嘅小天地....