美味佳 (已結業)

來到附近行街睇戲，附近其實都有好多嘢食，不過黎得呢條街當然睇吓呢度有冇位啦！幸好今日幫襯嘅人唔算太多，大概六點多來到，入座率大概八成，之後就開始多人了。呢間美味佳出晒名就係人都知嫁啦！出名價錢平民化，而且質素都唔錯㗎。必食三寶其實有好多款，不過個人推介係雞腎以及雞全翼，調味粉落嘅份量唔算太多，個人覺得啱啱好，串燒其實燒至九成熟，火候控制得剛剛好，雞腎食落好有口感架！而且唔會太過乾身，好味。雞全翼，唔使講啦！呢個已經encore左2次，同男朋友一人最少食咗三隻。最重要價錢平而且又有肉食，必點之選雞翼味道其實都不錯，調味粉控制適宜，如果唔鍾意食雞全翼而鍾意食雞翼嘅人都可以試。豬頸肉因為肥肉多嘅關係所以燒起上嚟會比較黑，不過又未至於少得過火，整體方面都唔錯墨魚咀個人覺得冇乜特別，本身細細粒嘅關係所以食落唔係好知道食緊乜嘢。可以不試蔬菜方面，我自己最鍾意食翠玉瓜，雞髀菇，大蔥呢三款。因為蔬菜會吸收左調味粉嘅鹹味，而且燒到琳琳地，食落相當入味，好好食呀☺️☺️☺️❤️價錢方面真係相當抵食，同男朋友兩個人食到滿左而歸都係＄200到，整體方面可以再encore！如果大家唔堂食其實仲有一間外賣分店喺附近，方便