正宗水上人氣鍋專門店 (已結業)

前幾日男友突然提起話去食蒸氣火鍋，上網搵左幾間，見到呢間水上人有好多好評，就決定試一試。我地一早就book好左位，一去到就即刻有得入去喇。雖然得兩個人但都有一張大既卡位坐，而且環境都唔錯，坐得好舒服。出面既蒸氣火鍋好多都係用普通既大鑊蓋，呢間就用左呢種竹做既蓋，聽講係因為唔會有蒸氣水倒流落d食物到，幾特別套餐方面我地就揀左比較啱食既B餐落完order冇幾耐，店員首先拎左煮粥底既材料黎，跟住倒晒落個鑊度等佢慢慢煲。隔左一陣就上齊d海鮮喇，海鮮都好新鮮而且全部都大大隻，賣相相當吸引正當我地仲諗緊唔知應該落咩去蒸先好既時候，店員已經好主動咁幫我地落海鮮去蒸，set好計時器，計時器一響就食得龍蝦好新鮮，蒸到啱啱好，肉質彈牙，回味無窮黑松露蒸元貝，味道好夾，黑松露既味唔會，搶走海線味，反而更加提升元貝既鮮味全部野蒸晒之後，就要食埋最後呢個粥底，粥底吸收晒海鮮既鮮味，好清甜水上人既海鮮好新鮮，環境服務都好好，值得推介