影片
更多
2022-10-19
39 浏览
個日經過太子，比浸好香既味吸引左，原來係大南街開左間新既串燒店🤩身為串燒控緊係要買返幾串黎試下啦😍 店面乾淨企理，雖然店內無座位，但老闆話如果想堂食可以開張摺枱比我😜兩個人一共嗌左十串串燒，加埋都係二百蚊，唔貴喎😍😍 京蔥雞肉串 $15雞肉同京蔥一齊食真係好香，而且雞肉好嫩滑，水準唔錯喎！🤭 日本雞肝串 $18我唔食雞肝😂係我男朋友想食，佢話口感好鬆化（？）佢好鐘意個口感，重點係唔腥😜 風箏燒雞皮 $15食串燒識食一定係食雞皮！勁香口！呢間店有兩款唔同既雞皮，唔係唔試晒佢下話😂雞皮有兩支竹籤串起，真係好似風箏🪁，好得意！ 日本雞皮串 $13老闆燒緊個陣已經見到好多油脂，口水都流晒出黎🤤熱辣辣，啲油脂充滿晒成個口，又香又脆，正到呢😍強烈推薦呀‼️ 免治雞肉串配日本蛋 $38成隻日本蛋配一串串燒真係好奢侈🤣🤣免治雞肉串食落有啲脆脆地既口感，幾得意喎！點埋隻蛋咁食真係幾有趣😆 焦糖燒菠蘿 $18燒菠蘿切到成隻船咁，一啖一粒，好方便放入口！仲又甜又多汁😜 牛油燒粟米 $15本身係order左粟米芯，點知賣晒，老闆好好咁轉左牛油燒粟米比我，仲無額外收返我錢🤪個燒粟米真係好香牛油味！ 紫蘇無骨雞中翼
店面乾淨企理，雖然店內無座位，但老闆話如果想堂食可以開張摺枱比我😜兩個人一共嗌左十串串燒，加埋都係二百蚊，唔貴喎😍😍
京蔥雞肉串 $15
雞肉同京蔥一齊食真係好香，而且雞肉好嫩滑，水準唔錯喎！🤭
日本雞肝串 $18
我唔食雞肝😂係我男朋友想食，佢話口感好鬆化（？）佢好鐘意個口感，重點係唔腥😜
風箏燒雞皮 $15
食串燒識食一定係食雞皮！勁香口！呢間店有兩款唔同既雞皮，唔係唔試晒佢下話😂雞皮有兩支竹籤串起，真係好似風箏🪁，好得意！
日本雞皮串 $13
老闆燒緊個陣已經見到好多油脂，口水都流晒出黎🤤熱辣辣，啲油脂充滿晒成個口，又香又脆，正到呢😍強烈推薦呀‼️
免治雞肉串配日本蛋 $38
成隻日本蛋配一串串燒真係好奢侈🤣🤣免治雞肉串食落有啲脆脆地既口感，幾得意喎！點埋隻蛋咁食真係幾有趣😆
焦糖燒菠蘿 $18
燒菠蘿切到成隻船咁，一啖一粒，好方便放入口！仲又甜又多汁😜
牛油燒粟米 $15
本身係order左粟米芯，點知賣晒，老闆好好咁轉左牛油燒粟米比我，仲無額外收返我錢🤪個燒粟米真係好香牛油味！
紫蘇無骨雞中翼 （老闆送既，唔洗錢😜）
呢個係老闆唔覺得燒多左，所以送比我食既😂本身以為係普通雞翼，點知一咬落口就feel到佢無骨架，仲有好香紫蘇味，雞肉應該係整碎左再加左紫蘇再釀入雞翼，好特別呀！😍
牛肉串 $28
佢個牛肉串牛味幾濃喎！唔知係牛既咩部位呢？燒得好嫩滑！重點係唔肥😙
金菇肥牛卷 $23
好多舖頭都好易燒到個金菇肥牛好乾，但老闆功力真心好好，唔單止juicy，仲一啲都唔韌，牛同菇比例都好好，唔會食食下得返啲金菇😂
豬頸肉串 $18
豬頸肉啲邊位燒到卜卜脆，但又唔燶，好惹味！
老闆幾好人，又鍾意同客吹下水，食物又高質，雖然即叫即整有人會嫌等得耐，但同老闆傾下計時間好快過，同埋食物真係熱辣辣，而家天氣開始凍，買返幾串串燒夜晚配啤酒真係正到不得了😆😆經過太子不妨去試下！❤️
张贴
