大瀛喜日本料理 (已結業)

今日早左收工，所以約左朋友仔黎左旺角既大瀛喜嘆反個放題😍5點鐘去到因為餐廳做緊折扣優惠，所以引入好多fans捧場。由於book左枱所以好快有得入坐，當然第一時間立即攞起點餐紙瘋狂咁點三文魚🍣燒蝦串芝士蒜蓉扇貝，三文魚刺身既新鮮又鮮甜，燒海蝦真心超級正，唔會好似出面咁燒到淋哂，而且仲好入味，絕對唔會hea燒！扇貝落足芝士蒜蓉絕無偷工減料，呢2樣配料係我既最愛添阿！之後仲叫左黃金炸蝦、炒蜆、牛舌！黃金炸蝦好多咸蛋黃好正亦吾會太油，炒蜆蜆肉都幾大粒下架有反咁上下獲氣！重點牛舌，牛味好出唔會落好多醬汁，變相鹽調出左牛既鮮味！炸蝦天婦羅唔會好多粉！總括黎講大瀛喜應該係放題之霸，食咁多次都唔會令我失望💕食物勁新鮮熱辣辣飲品多選擇！包你一試難忘阿🤫