甜心先生甜品專門店 (已結業)

甜品店林林總總，但係食來食去都係貪就腳，去親都係滿記、B仔果D，今次特別D：食男人『Mr. Sweet Dessert』鋪頭係元朗西鐵站附近，行一陣就到。鋪唔大，5，6張枱左右，但不太迫，OK。2個女仔，叫左2個甜品，一個窩夫雪糕，一個火焰雪山，等左5分鐘左右，先黎窩夫雪糕，未食先黎嘩一聲，好靚、好大件囉咩事！例牌相機先食，影影影,影完開餐，熱立立脆卜卜既窩夫上面淋左朱古力醬，好好味，加D雪糕一齊食，一冷一熱，仲正！食食下，間鋪黑晒，唔知咩事，原來我地個火焰雪山上台喇，食之前師傅幫我地淋火，嘩，好好玩，個雪糕著火wor，燒左一陣，熄左火，就唔客氣啦！入口食個雪山，好輕，燒左D焦糖一野就只溶係口，好滑，好似食咁舊雲一樣，好得意，食完一啖又一啖！呢個好特別！勁推介！好飽呀，又平又大件，超級滿足！