顏府御膳 (已結業)

呢間餐廳我之前嚟過一次，印象中裝修靚，坐得舒服，嘢食又好味。所以朋友講起要食中菜同埋喺銅鑼灣我就即刻諗起呢間。顏府鹽水鴨>>平時鹹水雞就食得多，鹹水鴨係第一次食，味道鹹鹹地，肉質幾tender. 金沙脆豆腐>>呢個我上次都有食，今次再order!外脆內嫩，真係好好味😋保健老火湯>>合桃黑豆雞腳西施骨個湯都幾足料，飲落去味道濃而不咸蘇堤春曉東坡肉>>個名改得好有意境😎東坡肉我好少食，見到餐牌有，興起想試吓。一上枱四大舊厚厚嘅東坡肉，肥瘦肉相間，個肉煮得好淋，淋埋啲肉汁上去，一啖已經咬開。耐唔耐食下都幾滿足😋砂煲XO醬蝦乾肉碎芥蘭>>呢個芥蘭炒得好好味，食落冇渣又爽口，配埋XO醬食辣辣地幾惹味，再配埋大大條嘅蝦乾，令個味道更有層次。