明閣 (香港康得思酒店)

舅父請食飯, 係我咁大個女食過最好的中菜, 不得了!! 師傳可以將最普通的食材整到唔普通!!!真係食手工都好抵!!鎮江黑豚肉, 脆到係我咁大個女都未食過咁脆身, 但個皮係超薄, 肉質彈牙爽口但還很嫩滑, 好味到難以形容!! 醋香海蜇又係爽口彈牙到不得了, 點解可以整得咁爽口又唔乾, 口感仲咁RICH既呢!! 真係好厲害既工夫! 松露火鴨絲, 又係超好味, 最驚喜係松露係慢慢滲出黎, 無搶到火鴨既濃味, 口水都流灑啦!!濃燉海中寶又係超足料, 好夠火喉, 真係功架十足, 好有內涵個鮑魚係我舅父一早買定叫佢地整(因為識人) 真係無得輸, 多謝灑舅父先食到人生第一隻咁大隻既乾鮑, 個鮑汁真係無得頂, 鮑魚又超"淋" 但好煙韌, 食一隻已經好飽, 仲一人兩隻, 真係要打包!!!最後係個甜品, 賣樣得之餘又有內涵, 甜度適中又香桂花味, 膠味不太重, 正!!! 個楊枝甘露係好特別, 用左兩隻不同既西米露煮成, 一霖一硬, 一口食下, 有一粒粒珠係口入面爆大, 很特別!!果然係米芝連!!