雲南小鍋米線

营业中

休息中

呢間小店認真巴閉，長期門口都有人等位，入面好逼，而且出餐算係慢嘅，但係仍然長期有捧場客，心入面其實次次經過都會出現一個問號，不過因為自己真係好怕排隊，所以一直未有機會試到。但係今日終於機會黎喇飛雲，竟然無人排隊，於是諗都唔諗就衝咗入去，叫咗一碗雞絲螺旋藻豬軟骨米線，只感叫少辣。呢碗米線$60，都幾大碗，雞絲撕得好幼細，我見網上D人話係人手撕嘅，如果係真都真係幾花功夫，主要係用雞胸肉撕嘅，同一般嘅手撕雞又有D唔同，味道都唔錯。豬軟骨應該都係自家炆嘅，因為D切法同出面其他地方嗰D來貨豬軟骨好唔同，同埋佢嘅豬軟骨有吮口嘅骨膠原感覺。螺旋藻就真係大鄉里第一次咁樣食，又幾好食，同個米線好夾。湯底酸味濃，少辣都頂到，下次可以試勁少少。