影片
更多
2020-10-04
156 浏览
之前同朋友食飯發現而家預約餐廳嘅app喺特定時間有優惠，有啲仲半價添，所以又俾個藉口可以試多幾間餐廳！咁啱香港仔新開左一間酸菜魚店，而且早啲食仲有半價優惠，梗係唔執輸試吓！店面都幾難搵，因為佢係一條好暗嘅巷仔入面，要啲時間先搵到，入到去裏面嘅裝修唔錯，不過員工嘅服務態度真係要改善下，我哋都係主打講返食物先。我哋今次叫咗一份唔辣嘅酸菜魚，尖椒皮蛋，炆牛腩，麻婆豆腐，同埋紅糖糍粑。大部份嘅菜式我都覺得合格以上，酸菜魚嘅魚肉好嫩滑，雖然佢寫唔辣，不過我自己覺得佢偏向譚仔嘅10小辣左右，我仲另外加咗寬粉，佢完全吸收左酸菜魚嘅味道，我個人好推介架！另外紅糖糍粑既等候時間比較長，但係因為咁，所以上菜嗰陣就新鮮滾熱辣，外面鬆脆之餘裏面都好軟糯，糖漿方面我覺得有用醬油調味，所以帶有鹹甜嘅味道，我覺得都可以一試。另外我哋都叫咗飲品，飲品全部正價收費嘅，我哋叫咗桂花烏龍茶同埋豆漿，豆漿係普通支裝豆漿，但係佢嘅桂花烏龍茶我覺得幾好飲，一黎佢係無糖嘅，二來桂花嘅味道亦都好出，當你食緊重口味嘅菜式嗰陣配桂花烏龍茶我覺得幾清新，係一個唔錯嘅選擇。整體來講我最後嗰四個人只係食咗三百幾蚊性價比好高，不過如果攞返原價嘅
咁啱香港仔新開左一間酸菜魚店，而且早啲食仲有半價優惠，梗係唔執輸試吓！
店面都幾難搵，因為佢係一條好暗嘅巷仔入面，要啲時間先搵到，入到去裏面嘅裝修唔錯，不過員工嘅服務態度真係要改善下，我哋都係主打講返食物先。
我哋今次叫咗一份唔辣嘅酸菜魚，尖椒皮蛋，炆牛腩，麻婆豆腐，同埋紅糖糍粑。大部份嘅菜式我都覺得合格以上，酸菜魚嘅魚肉好嫩滑，雖然佢寫唔辣，不過我自己覺得佢偏向譚仔嘅10小辣左右，我仲另外加咗寬粉，佢完全吸收左酸菜魚嘅味道，我個人好推介架！另外紅糖糍粑既等候時間比較長，但係因為咁，所以上菜嗰陣就新鮮滾熱辣，外面鬆脆之餘裏面都好軟糯，糖漿方面我覺得有用醬油調味，所以帶有鹹甜嘅味道，我覺得都可以一試。
另外我哋都叫咗飲品，飲品全部正價收費嘅，我哋叫咗桂花烏龍茶同埋豆漿，豆漿係普通支裝豆漿，但係佢嘅桂花烏龍茶我覺得幾好飲，一黎佢係無糖嘅，二來桂花嘅味道亦都好出，當你食緊重口味嘅菜式嗰陣配桂花烏龍茶我覺得幾清新，係一個唔錯嘅選擇。
整體來講我最後嗰四個人只係食咗三百幾蚊性價比好高，不過如果攞返原價嘅話我就未必再食，雖然食品質素唔錯，但係服務都係餐廳其中一個好大嘅準則，希望遲啲佢哋會有改善啦！
张贴