滿江紅小甜甜 (已結業)

今日同朋友过嚟湾仔呢边食好嘢，突然间想食辣，于是揾到呢间满江红 好耐之前喺另一间分店食过都唔错。环境好似去咗四川、成都𠮶种feel，都几正，比较中式，令人感觉到地道啲。《鸡汤小云吞》小云吞食得出系手制，每一粒都食到足料嘅肉，云吞皮都好薄好滑，好好味。《花雕醉鸡煲》药材味好浓郁，追求浓郁嘅花雕醉酒味呢个就啱晒，鸡件索晒个汤嘅精华，而且唔会好孩，十分唔错！《孜然炒回锅牛肉》好浓味，好香孜然味，牛肉好入味但唔会太咸，口感好林，好正！送饭一流。《麻辣牛展》牛展真系好正，一啲都唔干唔孩，而且炒得好入味好香，尖椒都好好食，僻晒啲辣味，狂食都唔怕，送饭好正！ 总括嚟讲，呢间川菜嘅价钱唔贵而且味道都唔错，经过湾仔呢边又想食辣嘢就唔好错过啦。