麻辣香鍋

营业中

休息中

今日同朋友行開旺角，行到好肚餓，就去咗呢間麻辣香鍋食夜晚😆。我哋首先嗌咗一份金湯酸菜魚。嗰啲酸菜令湯底有啲酸酸嘅味道，令整個湯底更加開胃。啲魚片煮得啱啱好，真係令人回味無窮！仲有啲薯粉，份量都唔少，夠飽肚。藤香雞都係我哋嗌咗嘅一款菜式。雞肉鮮嫩多汁。啲香料同調味料完全融入雞肉入面，每一口都特別香口，真係好滋味。不過，最令我哋驚喜嘅係招牌麻辣香鍋。佢啲香料好香！香鍋裡面有新鮮鮑魚，魷魚鬚，萵筍同蓮藕，每一樣食材都唔差。啲鮑魚彈牙有口感，魷魚鬚爽脆。而萵筍同蓮藕都吸收咗香料嘅味道。我最鍾意佢有好多款唔同嘅餸比人揀！如果你係辣食愛好者，一定要嚟試下呢間餐廳！