影片
更多
2017-11-07
186 浏览
有時老友聚舊，出得嚟gathering好多時都係好耐無見嘅好朋友，偏偏現在出面好多食肆都限住兩小時用膳時間， 又要食又要傾得兩粒鐘邊度夠時間呀？！ 俾我發現到一間又可以食我最鍾意嘅邊爐，又可以足足5.5小時任食任坐， 座位又夠闊落坐得又舒服， 而且食物款式都非常多元化！ 講緊嘅就係位於銅鑼灣嘅千賀水產の鮮鍋道場~ 一聽聽聽個名就知道這裏以水產海鮮為主打， 啱曬講求keep fit嘅女生們啦！ 原來這裡的形式好特別。每位入場人士會有一系列嘅必然食品， 必然食物方面只會供應一次， 然後會有任點任食項目， 亦都會有自助吧檯食物供應， 無論是蔬菜、肉類、丸類、飲品、甜品都可以在自助吧檯內搵到！ 而且這裏的火鍋湯底好特別， 例如我們這款韓式人蔘雞湯也可以選擇， 非常適合秋冬滋補一下喔～ 自助吧檯有好多選擇， 遠睇幾咁彩色繽紛，構圖好似水彩畫咁靚！ 放滿咗我哋成日會食到嘅火鍋配料，例如粟米啦、翠玉瓜啦、蕃茄、魚蛋啦、芝士腸啦…… 而我最愛嘅丸類都有好多選擇，芝心丸啦，海胆丸啦，牛丸啦，貢丸啦，墨魚啦咁…… 當然唔可以少得啲蔬菜啦， 食左蔬菜打底點都冇咁易肥嘅！ 皇帝菜呀，西洋菜呀，唐蒿菜呀，連三
有時老友聚舊，出得嚟gathering好多時都係好耐無見嘅好朋友，偏偏現在出面好多食肆都限住兩小時用膳時間， 又要食又要傾得兩粒鐘邊度夠時間呀？！
俾我發現到一間又可以食我最鍾意嘅邊爐，又可以足足5.5小時任食任坐， 座位又夠闊落坐得又舒服， 而且食物款式都非常多元化！
講緊嘅就係位於銅鑼灣嘅千賀水產の鮮鍋道場~ 一聽聽聽個名就知道這裏以水產海鮮為主打， 啱曬講求keep fit嘅女生們啦！
原來這裡的形式好特別。每位入場人士會有一系列嘅必然食品， 必然食物方面只會供應一次， 然後會有任點任食項目， 亦都會有自助吧檯食物供應， 無論是蔬菜、肉類、丸類、飲品、甜品都可以在自助吧檯內搵到！
而且這裏的火鍋湯底好特別， 例如我們這款韓式人蔘雞湯也可以選擇， 非常適合秋冬滋補一下喔～
自助吧檯有好多選擇， 遠睇幾咁彩色繽紛，構圖好似水彩畫咁靚！
放滿咗我哋成日會食到嘅火鍋配料，例如粟米啦、翠玉瓜啦、蕃茄、魚蛋啦、芝士腸啦……
而我最愛嘅丸類都有好多選擇，芝心丸啦，海胆丸啦，牛丸啦，貢丸啦，墨魚啦咁……
當然唔可以少得啲蔬菜啦， 食左蔬菜打底點都冇咁易肥嘅！ 皇帝菜呀，西洋菜呀，唐蒿菜呀，連三色椒都有架！
同埋呢度除咗有一般公仔麵、韓式拉麵供應之外，還有手打麵供應！
醬汁方面都有好多唔同配料選擇， 搵番個靚醬點食物就最fit！
氣水都係任飲㗎！
之前講過每人都有指定款式， 指定款式屬於比較高級食材，例如面前呢盤剌身！ 有香港人必定要食嘅三文魚刺身， 有我最鍾意食嘅特大隻牡丹蝦刺身， 還有北奇貝、赤貝、象拔蚌等等名貴刺身！
自家製手打丸方面包括有鯪魚球、 墨魚和鮮蝦丸！手打真是會彈牙好多同鮮甜好多架！ 雖然分量得每日一粒， 不過就啱曬我啲啲鍾意樣樣試下又唔好食死一款嘅人~
話明呢度係食海產㗎嘛，所以梗係有一盤海鮮盛合啦！ 個海鮮盛盒用料都好豐富，非常之大堆頭！ 包括有白鱔魚片 、特大聖子、 脆魚鯇、 白沙貝 、馬刀貝、還有特大隻貴妃蚌！
呢個貴妃蚌真係好大隻㗎！成隻手掌心咁大隻！而且食落好鮮甜，又夠爽口彈牙 ，最重要係唔會有沙㗎！
你哋睇下隻特大聖子幾咁長， 而且仲係煮熟咗嘅狀態就知道佢原本有幾大隻啦！ 而且好新鮮好味美！讚讚讚！
這碟高級的手切牛頸脊是二人份量的， 分量都算ok！ 夠食又唔會太多！
而且食落口真係超嫩滑， 啲牛肉好似雪花咁喺個嘴度會慢慢溶化㗎！ 我最鍾意食肥牛有呢種口感㗎啦！
除咗可以打邊爐之外，這裏也有熟食供應！ 而且款式超級多 ，得一個胃根本試唔曬！ 熟食會陸陸續續不同地供應， 食完一盤就會有新款式推出！ 而且熟食絕不馬虎， 唔係求其擺幾件青瓜雲耳就算 ！
好似呢一個辣炒花蟹， 秘製三文魚腩 ，豉油王大蝦， 全部都係高級海上鮮， 仲要係不限件數任食！ 真係食幾隻蟹都回返本呀！
個人最鍾意就係龍躉肉喇！ 龍躉肉真係好嫩滑而且加咗辣辣地嘅元素， 令人簡直食到停唔到口啊！ 再加上龍躉肉個皮夠曬厚，每一啖都好似食緊膠原咁有少少漿住個口， 作為識飲識食嘅我當然要食多幾舊嚟補下身啦！ 呀，係食多幾碟先真！ 會唔會太貪心呢(≧∇≦)
Last but not least， 記得記得一定要食埋呢度嘅甜品呀， 個特濃朱古力慕絲好好味㗎！ 本來真係已經好飽㗎啦，但係見到個韓式蜜瓜雪條又忍唔住要食埋！哈哈！
张贴
