人和荳品廠 (已搬遷) 新店位置

食得太多肥膩野，都要食啲清淡野沖淡下! 見到人和,印象中都出名，就試下啦。門面就好似一般粥店咁。坐底見到牆上面餐牌，大約有30種豆類製品，其中有10樣係糖水，心講左一句'唔係掛'。食物種類好少呀。後來我地order左幾款食物已經已經差唔多等於佢間舖所有食物。1。老水豆腐。豆腐好滑，而且用筷子夾都唔散，不過豆腐本身冇味,所以用老水汁都冇味。2。老水豆卜。因為豆卜本身好索水，所以佢索滿老水汁，好咸，咸到食唔到。3。煎魚肉豆腐。好油，魚肉煎得唔香口。4。柴魚花生豬骨粥。粥好綿，好有豬骨味，料好多。5。 豆芽炒麵。麵已經凍到硬哂，冇味。整體都係一般水平，只係豆腐好滑。我諗食甜品會好啲。