影片
更多
2016-12-09
4531 浏览
前排個朋友不斷同我講話去過一間打邊爐，可以瘋狂飲佢個花膠雞湯。佢話要同佢食多次，因為又有雞又有花膠食，好補咁話！～佢講左起碼成個月，今次終於約到佢出黎食呢個打邊爐！入到餐廳，我以為自己去左街市😂，裝修整到好似平時同阿媽去個D屋企樓下街市咁樣，沙白、蟶子、生蝦、鮑魚，應有盡有，仲要整埋D價錢牌，幾多錢斤基圍蝦、幾多錢斤沙白，身為水上人嘅後代嘅我，好有親切感。一坐底，店員已經準備好醬料畀你整色整水，醬料每位$10。當然我地有叫我地期待已久嘅原隻鮮雞燉花膠湯（小）$238。雖然價錢有少少貴，但飲完個湯就覺得物超所值。湯入面至少有10舊花膠，舊舊完整無缺，唔會一patpat。另外，係成隻雞擺入湯入面，煲到就滾，店員就會幫你夾隻雞上黎同你切件。D雞應該擺左落湯煲左好耐，一夾就會散，唔會就好難先夾到肉食。湯湯味濃，好似飲緊住家湯咁，無偷工減料。因為朋友真係超鍾意飲佢D湯，結果好快就叫店員再加湯，值得一提係加雞湯，並唔係加水！西班牙豬腩肉$58豬腩肉切到好薄，放落湯底滾兩滾就食得。豬腩肉唔會太老，脂肪分佈均勻，點醬油食好好味，一份份量都唔少。蜂巢豆腐（$48）我地貪佢夠索汁，可以扯乾花膠雞湯。上檯時
佢講左起碼成個月，今次終於約到佢出黎食呢個打邊爐！
入到餐廳，我以為自己去左街市😂，裝修整到好似平時同阿媽去個D屋企樓下街市咁樣，沙白、蟶子、生蝦、鮑魚，應有盡有，仲要整埋D價錢牌，幾多錢斤基圍蝦、幾多錢斤沙白，身為水上人嘅後代嘅我，好有親切感。
一坐底，店員已經準備好醬料畀你整色整水，醬料每位$10。
當然我地有叫我地期待已久嘅原隻鮮雞燉花膠湯（小）$238。雖然價錢有少少貴，但飲完個湯就覺得物超所值。
湯入面至少有10舊花膠，舊舊完整無缺，唔會一patpat。另外，係成隻雞擺入湯入面，煲到就滾，店員就會幫你夾隻雞上黎同你切件。D雞應該擺左落湯煲左好耐，一夾就會散，唔會就好難先夾到肉食。湯湯味濃，好似飲緊住家湯咁，無偷工減料。因為朋友真係超鍾意飲佢D湯，結果好快就叫店員再加湯，值得一提係加雞湯，並唔係加水！
西班牙豬腩肉$58豬腩肉切到好薄，放落湯底滾兩滾就食得。豬腩肉唔會太老，脂肪分佈均勻，點醬油食好好味，一份份量都唔少。
蜂巢豆腐（$48）我地貪佢夠索汁，可以扯乾花膠雞湯。上檯時唔算就非常冰凍，一份八件，都夠三四個人食啦。放入湯先知D窿窿唔算大，好似吸水大笨象咁吸哂D湯。
紅薯粉$28 呢個抵食，唔好睇佢廿八蚊咁平就好少份量。雖然咁睇好似好少，但一熟左就會發大。如果唔想食公仔麵嘅朋友，呢個立薯粉應該幫到你。口感特別，但原本點醬汁食係幾好味！
花膠蟹粉蝦餃皇$56 2隻外表似雲吞大大隻，但其實入面係包左好大隻蝦！入面似係落左少少臘味，好濃味，但價錢有D貴。
仲叫左一份花甲王（$58），一份有成十隻，岩岩夠兩個人食。花甲吐乾淨沙，味道鮮甜，唔會有死蜆，都算係咁。其實呢餐真係飲湯都飽，建議唔使叫太多肉，食下海鮮同菜飲下湯食埋雞已經好夠。
张贴
