影片
更多
2014-08-21
5015 浏览
拍拖行完波鞋, 又到搵食既時候, 今次又去試D新野, “番本日式放題”.一入到去, 見到有呢個原價加錢+HKD50 Upgrade, 有我最中意既油甘魚, 帶子同埋大蝦刺身, 我當然即時Upgrade啦!毎次放題, 緊係第一時間寫一大疊單啦,今次都唔例外,但係估唔到第一樣黎先既係大蝦刺身,真係估唔到,啲蝦比我想像中既還要大, 正!!!而家啲大蝦都幾新鮮, 口感幾好,而且一啲都唔腥, 值得一讚! 果然, 蝦都真係大隻先好食,HEHE!!第2樣黎既食物居然係蟹粥, 個蟹粥都唔差啵, 啲料幾足, 有咁大隻蟹鉗, 而且個粥底本身都煲得幾好, 冇咩渣, 仲幾綿添, 真係幾令我驚喜既!!當然, 之後緊係唔少得啲刺身啦, 刺身當中我比較中意佢地啲三文魚, 入口即溶, 都幾肥美, 結果我地叫左三轉囉, 實肥死…….之後, 值得一提既係佢既金菇肥生, 個味道唔錯, 而且口感一啲都唔差, 啲金菇唔會燒得太乾, 真係值得一試!因為我地食得早, 6點入座, 最後埋單既結果係毎人250大元, 個價錢係放題黎講都算係可以接受既範圍, 但係佢可以食到我中意既油甘魚, 帶子同埋大蝦刺身, 感覺真係有少少抵左! 希望下
一入到去, 見到有呢個原價加錢+HKD50 Upgrade, 有我最中意既油甘魚, 帶子同埋大蝦刺身, 我當然即時Upgrade啦!
毎次放題, 緊係第一時間寫一大疊單啦,今次都唔例外,但係估唔到第一樣黎先既係大蝦刺身,真係估唔到,啲蝦比我想像中既還要大, 正!!!而家啲大蝦都幾新鮮, 口感幾好,而且一啲都唔腥, 值得一讚! 果然, 蝦都真係大隻先好食,HEHE!!
第2樣黎既食物居然係蟹粥, 個蟹粥都唔差啵, 啲料幾足, 有咁大隻蟹鉗, 而且個粥底本身都煲得幾好, 冇咩渣, 仲幾綿添, 真係幾令我驚喜既!!
當然, 之後緊係唔少得啲刺身啦, 刺身當中我比較中意佢地啲三文魚, 入口即溶, 都幾肥美, 結果我地叫左三轉囉, 實肥死…….之後, 值得一提既係佢既金菇肥生, 個味道唔錯, 而且口感一啲都唔差, 啲金菇唔會燒得太乾, 真係值得一試!
因為我地食得早, 6點入座, 最後埋單既結果係毎人250大元, 個價錢係放題黎講都算係可以接受既範圍, 但係佢可以食到我中意既油甘魚, 帶子同埋大蝦刺身, 感覺真係有少少抵左! 希望下次再黎, 佢既食物質素都冇變啦!!!!!
张贴
