牛角次男坊 (荃灣廣場) (已結業)

這𥚃是我最愛的飯堂❤️。一星期總會吃兩次，試過好幾款飯，最後每次都會食返同一個飯。🙉次男坊丼定食 $88食肉獸每次見到宏偉嘅牛肉山，果種開心程度真係難以言喻😍。牛肉係美國草飼牛腹腩，肥瘦夾集，中間有條筋，咬落口感好好。最鍾意其實係個汁，香濃帶有甜味嘅燒汁，試過其他丼飯始終覺得次男丼個汁最香最好食，套餐會包一個前菜及罐裝汽水或茶。不過，佢質素非常參差，食十次大概有三次唔ok，有時唔知點解可以煮到個飯好濕，又或者個牛腹腩有三份一係肥膏。但係我仍然覺得好好食🤭💪🏼相片後面細碗啲嘅係午市$69迷你版。