牛角次男坊 (荃灣廣場) (已結業)

週末到荃灣廣場逛街食晚飯，商場裡食店林林總總，見此店長長人龍非常顯眼，於是決定一試。門外排隊取位花15分鐘，期間職員派發餐單讓食客先選擇食物。入座後，要自行出外面排隊俾錢落單，點完餐店員會遞上號碼牌給你，將牌放在枱上就可坐定定等送餐了。王樣！豚肉丼定食 $85賣相吸引，一大條長長的豬腩肉橫跨碗面，滿滿蔥花碎，配上原隻溏心蛋及4片紫菜伴碗。豚肉夾著脂肪油香味美，雖則邪惡，但就忍唔住一啖接一啖吃掉，還可用紫菜包著所有材料像飯卷般吃，別有一番味道。豚肉丼定食(西班牙豚梅肉) $78多塊豚肉舖得滿滿，中間放了滑滑的温泉蛋，蔥花少許。豚肉無脂肪，食起來啖啖肉，醬汁味濃，非常美味，飯中好多紫菜碎再沾埋蛋汁，食落幸福滿滿的。雖然味道唔錯，但有點膩。幸好定食配有酸酸味嘅前菜，餐飲亦可選支裝纖解茶，有助解油膩。另外，亦設有麵豉湯及汽水供選擇。