影片
更多
2021-09-08
8 浏览
話說其實我都係一個食肉獸，除咗羊肉之外其他嘅肉類我都好鍾意，最近喺OpenRice見到有間餐廳專食丼飯既，而且佢啲肉舖到成個飯都睇唔到勁誇張所以就去試吓啦！一入去餐廳雖然唔係好大，不過裝修得好靚有文青feel架。我今次就叫咗慢煮牛肉飯，慢煮黑豚盛丼，另外叫多咗一份鹽燒三文魚骨，飲品就叫咗青瓜青蘋果沙冰同埋藍莓青檸梳打。啲食物一上枱忍唔住要用澎湃去形容，每一個飯都用上滿滿嘅肉片去填滿，見到都流口水呀！佢哋嘅牛肉一啲都唔韌，每一片牛肉都好大塊CP值高，而且入口一啲都唔騷。另外佢哋亦都加上自家製嘅忌廉醬汁，裏面有檸檬嘅香味可以減低牛肉嘅油膩感覺。我個人亦都好推介豬肉丼，佢嘅肉片入口超級滑，但係肉片嘅脂肪比例都好少，所以係健康之選。配合埋芝麻醬嘅香味真係相得益彰。店家選擇左珍珠米作為米飯嘅原材料，而且米飯嘅溫度唔會好熱，好適合夏天食用，唔會話因為太過飽而食滯咗。鹽燒三文魚骨份量都好多，極度香口酥脆，每一口嘅魚油好澎湃，連佢嘅細骨都可以食落肚，配合返米飯真係啱啱好。因為我都怕有啲滯，所以都叫返兩款入口比較清爽嘅飲品中和下。青瓜青蘋果沙冰青瓜香味好突出，入口唔會好甜。藍莓檸檬梳打入口微酸，重點係兩
一入去餐廳雖然唔係好大，不過裝修得好靚有文青feel架。我今次就叫咗慢煮牛肉飯，慢煮黑豚盛丼，另外叫多咗一份鹽燒三文魚骨，飲品就叫咗青瓜青蘋果沙冰同埋藍莓青檸梳打。
啲食物一上枱忍唔住要用澎湃去形容，每一個飯都用上滿滿嘅肉片去填滿，見到都流口水呀！佢哋嘅牛肉一啲都唔韌，每一片牛肉都好大塊CP值高，而且入口一啲都唔騷。另外佢哋亦都加上自家製嘅忌廉醬汁，裏面有檸檬嘅香味可以減低牛肉嘅油膩感覺。
我個人亦都好推介豬肉丼，佢嘅肉片入口超級滑，但係肉片嘅脂肪比例都好少，所以係健康之選。配合埋芝麻醬嘅香味真係相得益彰。店家選擇左珍珠米作為米飯嘅原材料，而且米飯嘅溫度唔會好熱，好適合夏天食用，唔會話因為太過飽而食滯咗。
鹽燒三文魚骨份量都好多，極度香口酥脆，每一口嘅魚油好澎湃，連佢嘅細骨都可以食落肚，配合返米飯真係啱啱好。因為我都怕有啲滯，所以都叫返兩款入口比較清爽嘅飲品中和下。青瓜青蘋果沙冰青瓜香味好突出，入口唔會好甜。藍莓檸檬梳打入口微酸，重點係兩款飲品都唔會有平時坊間飲到嘅藥水味，呢一點真係值得一讚，係呀如果經過嘅話就都去試吓啦！
张贴
