Loooop (已結業)

每日俾loooop的雪糕相洗版，所以去開大坑食野當然要順便去潮聖。一去到都有幾個人等緊雪糕製作，後來我地食的時後越食越多人。店面很小，只有企位，好似外賣的雪糕bar。店面雖小，但有美美的post裝飾雪糕的種類只有五款，這店真沙膽，竟然夠膽只賣五款雪糕。無他，因為佢地最大gimmick，就係由雪糕到杯到包裝紙都食得。其實所謂的食紙是印了食用色素的米紙，不得不佩服店主有這樣的頭腦，令食物變得有趣好多。我揀了tiffany blue的MOON，這個tiffany blue色的雪糕有著blue moon這夢幻的名字，配上朱古力爆炸糖，還有星星朱古力，整個組合就是夢幻的故事啊！雪糕加爆炸糖的口感很新奇。而且仲有米紙飛船做裝飾，食得又睇得。杯子是朱古力曲奇，幾香脆的，牛油味較重。這個雪糕只有手掌咁大，所以米紙裝飾是超級精緻！不過隔離突登揸車入大坑食雪糕的叔叔不停話：食紙感覺唔係咁良好（笑