Loooop (已結業)

識員態度差，難得一日假期遇上真是倒楣，如果你想享受一個開心嘅甜品，不建議黎呢度，食柸M字雪糕比這裡還要好，這價格也不是便宜哦，但size細得很，雪糕沒什麼特別😔

見雜誌之前不斷報導，所以黎試下，門口係幾靚。叫左個士多啤梨係頂的雪糕加食得ge紙cone, 係整得幾靚ge, 但影左幾下相舊雪糕就開始勁快融，係甘滴惟有拿拿臨食，其實以雪糕黎講佢味道真的普通，d 味唔太出～～而果個食得ge紙cone其實食落口真係紙的texture，跟本食唔落，我跟我先生都沒食晒就將佢扔埋一邊。以呢個價錢黎講買黎影相都ok（見好多人都拎住佢影相）~但想搵真係好食的雪糕ge話出面有好多選擇～

第一次經過這間鋪頭已經很想吃，所有的甜品都很漂亮，亦都很有特色，我在其他地方應該是沒有見過的。☺️今天專誠過來天后吃晚飯，就是為了可以吃這個甜品。我選擇了The Moon,被它的粉藍色娛樂深深吸引。藍色的乳酪是一般的乳酪味道，上高加上了優質的的朱古力，而那些金色的星星，亦都是好吃的朱古力口感爽脆。另外用作裝飾的火箭，太空船等，全部都是可以吃的。而他們底部是朱古力窩夫，配合淡淡的乳酪，另有一番風味😍。

After dinner round the corner walking back to the station and spotted this cool little place that drew me In with the cool signs and decor I won't lie also the fact that I still had a bit of room for some dessert and they had a few things that caught the eyemy wife went for the eye popper called the moon which was yoghurt in a cookie cup that was mighty delicious well from what I could tell of the few spoons I was allowed I went with the smore that was beautifully caramelized on the outside with

其實每次食完飯，都會好自然會想食個甜品，今次都唔例外～ 大坑食完野，就試下loooop~~ 但講真真係會失望架～ 點解？！ 睇埋落去你就會知架喇～睇樣真係幾靚仔既～ 絕對可以厄唔少like~ 但味道真係好似藥水味， 一啲都唔似佢所講既波子汽水味～ 另外你會見到面頭既係啲脆米，其實好普通！ 而個雪糕杯係用牛油曲奇做，就係普通餅味，唔好諗住有乜特別～ 另外佢既招紙係米紙做，可以食得，但無味既～ 而佢既賣點係成個雪糕連杯連紙都食得。個人覺得真係比錢買黎影相，我見啲人好多都食左無一半就掉左佢～ 所以。。。不解釋啦～ 你懂的！

一入到呢間鋪頭，感覺好乾淨，好光猛，之後就睇雪糕，實在好多款都好吸引，搞到我既選擇困難又發作，最後因為老公鐘意食chocolate 就要呢杯， 呢杯 chocolate ice-cream 比我好驚喜，比完錢等左陣，店員比我既時間，話個杯圍著張紙都食得， 但我已經急不及待要食佢最頂個個朱古力公仔，一入口好香濃，再食一口雪糕，好滑呀，好正，已經忘記左我地2人 share 一杯，到食到落底又有驚喜，佢個雪糕杯係用好重牛油味既曲奇做個杯，好香好脆，最後差不多我一個人食哂成杯雪糕，因為實好正好好味

難得今晚黎到大坑食嘢，經過ig人氣極高嘅loooop，同朋友買左個Rose cookie cup黎試下。店內只有兩個位可以坐Rose cookie cup好厄like，但味道十分麻麻，話係乳酪味，但味道好假，舊米田共係蛋白餅，下面個筒無味，好硬又唔脆，食左幾食咗幾啖就無再食

很早之前就知道這間雪糕店，造型可愛，連杯子也能吃。這天到大坑晚飯後就和朋友一起來試試，其中一個朋友已經試過，告訴我們味道不好，但我們死心不息，就是想見見這可愛的雪糕。店很小，所以只能站著吃很多可愛的造型，我們一眼就被這可愛的大便吸引了外觀果然不讓我們失望，整體造型可愛，而且全部都可以食用。可惜...雪糕只是藍色的yogurt,除了微酸外淡而無味，杯子是近似曲奇的餅，口感奇怪，粉粉的，沒甚麼味道，這樣一杯雪糕要55元，和朋友3人分享也吃不到一半就放棄了。

之前講到大坑除左有大坑裏的拉麵之外 原來仲有一樣好吸引我嘅美食 就係以士多啤梨為題材嘅甜品 佢內裏有雲呢拿雪糕外面鋪滿一粒一粒嘅士多啤梨乾頂頭仲有一粒新鮮嘅士多啤梨 直頭士多啤梨迷不能夠錯過嘅一款甜品 雲呢拿牛奶味好重質感好滑好細緻 配合士多啤梨乾 酸酸甜甜有口感好開胃間上有新鮮原粒士多啤梨 士多啤梨 好甜又多汁 令人一試難忘

本人係一個雪糕控，邊度有新雪糕都狗衝去食，黎之前睇個賣相加埋連個杯都食得嘅gimmick對佢構成左一定期望。點知食過後真係失望。雪糕一味太甜唔夠滑唔香，個杯唔脆味道怪怪。反而上面現盛嘅粒粒莓乾食得下。燒綿花糖太甜，無左果種應有嘅焦香味，內裏朱古力雪糕又係太甜，朱古力味不濃，最尾無食唒就走。。。真係失望。

moon $50.熱潮過後先黎食雖然有d outdate 但有心唔怕遲😊 叫左個連包裝紙都食得既雪糕 要加$5 所以就$50❗️.個樣好靚 一個好少女系既雪糕 本來我諗住都係好睇唔好食 點知我錯了😌雪糕入口少少酸甜 類似波子汽水 又幾好味 入口雖然滑但溶得超快 好多人食到成手都係好論盡呢🙈.成個配撘都幾好 有朱古力碎 食得既公仔 同脆脆地既明星 不過失望既係個食得既雪糕杯係d淋左既朱古力餅底.....建議係兩個人食仲要大啖入口❗️總結係可以一試既～～但定價真的有點高.

一向都很喜歡吃甜品，尤其係好特別又靚既甜品，今次目標係呢間位於大坑既雪糕店，特別的是佢新推出兩款雪糕，分別係粉紅色和淺藍色。我喜粉紅色所以挑了前者，小店只有一人，製作過程全程目睹，因為係開放式的廚房仔。等左一陣，靚靚雪糕送上，粉紅的棉花糖大大舊插在雪糕上，雪糕係榛子味，幾滑，味道亦很好，好重hazelnut味，二人share 剛剛好，坐著小店內向窗外望，看著車子來來往往既街道，歎住杯雪糕，真亨受

今日凍左好多呀～ 但又好想買雪糕～ 不過又唔想凍手手！點好呀？ Loooop 幫到你～ 期間限定嘅新品：燴蕃薯雪糕！ 個蕃薯係暖立立嫁 ～ 放上朱古力漿再埔棉花糖要插入雪糕筒!上面就係朱古力楱子味雪糕～ 冬天暖住手甘食雪糕～ 一大樂事也！ 今次試嘅味道係楱子口味～ 大約係好似繽紛樂個隻味甘～ 超大個～ 溶嘅速度可接受～～

行開大坑見到原來一直講緊食用紙藝既LOOOOP原來係到....所以試左...2個人一杯....Loooop以可食用紙藝雪糕為主打,基本上成杯野都食得!包括埋包住佢果張米紙!我一見到佢門面就覺得好靚...好白好光...好鐘意..果然一入到去..見到都係新D好新潮既野...到最後嗌左呢一杯其實先前都聽過朋友話得個樣乜乜乜，但我唔試唔心死....試左呢個面頭係冰糖葫蘆既士多啤梨,雪糕係榛子味的!但太甜喇....明明天氣唔係好熱...但雪糕竟然會好快溶,,太失 色喇.....但都算喜歡它的曲奇餅底既!仲有d星星朱古力，曲奇杯都正正常常但最後係食唔哂既但總括而言53蚊有點兒貴!其實冇乜特別!會好味到心心眼既又未去到!但唔想將佢放入口呢？又唔係! 中間位啦⋯但可以試下既!但到最後發現自己根本冇食到佢張米紙!早知唔加錢要埋

雖然Loooop熱潮減退，但係佢所出嘅限定限定雪糕都仲係好特別,好靚☺️ 雪糕係yogurt黎，食落都幾開胃;)但係雪糕嘅分量就吾算系好大杯。而且雪糕上仲有粒粒嘅棉花糖 ，所以食落好有口感Mushroom裝飾整得好靚，咬落去好脆，但就好甜！所以食哂成舊就會好膩😅個杯係用曲奇整成嘅，食完之後都會有少少飽肚😂個杯仲有幾香嘅牛油曲奇味，好味道👍🏻