影片
更多
2022-09-16
193 浏览
早一陣子食咗間高質嘅燒鳥店，不過雞嘅部位都比較大路，內臟嘅選擇都比較少。朋友就帶我去咗銅鑼灣呢間燒鳥店鳥森，供應雞唔同嘅刁鑽稀有部位，啱晒我呢D咀刁之人！朋友果然無介紹錯！燒鳥質素好高，而且今次我哋點咗Mori Set($580pp)，每人有8條燒鳥+燒物+食事（惠比壽炭火親子丼/白布烏冬）+雞湯+甜品，性價比好高！好少可以呢個價錢喺居酒屋食得咁豐富咁飽足呢！ 先送上前菜侍應會先了解客人有咩唔鍾意食，乜都食嘅我哋就8款燒鳥全交由廚師發辦！是晚安排超驚喜，食到好多刁鑽罕見部位，例如：雞腸、雞心元、雞腳筋、公雞冠、雞掌心等，最估唔到係連日本提燈都有！日本提燈其實即係雞輸卵管、卵巢同未成熟蛋黃，由於要母雞宰殺時剛好形成蛋黃，數量又不多，所以提燈非常稀有！燒日本提燈亦都比較繁複，因為要做到輸卵管表皮焦脆、蛋黃保持半熟流心的效果，少d技術同心機都做不到！所以香港極少燒鳥店有供應，我都係第一次食到呢（上次去另一間想試但售罄）！燈籠燒至半生熟，咬開薄膜之後，蛋黃就立即爆漿，而輸卵管、卵巢則焦香脆口，一次過食到兩種口感！雞腳筋我都係第一次見，比一般雞軟骨更加爽脆有咬口。雞掌心帶d皮又帶d筋，口感好爽脆
朋友果然無介紹錯！燒鳥質素好高，而且今次我哋點咗Mori Set($580pp)，每人有8條燒鳥+燒物+食事（惠比壽炭火親子丼/白布烏冬）+雞湯+甜品，性價比好高！好少可以呢個價錢喺居酒屋食得咁豐富咁飽足呢！
先送上前菜
侍應會先了解客人有咩唔鍾意食，乜都食嘅我哋就8款燒鳥全交由廚師發辦！是晚安排超驚喜，食到好多刁鑽罕見部位，例如：雞腸、雞心元、雞腳筋、公雞冠、雞掌心等，最估唔到係連日本提燈都有！
日本提燈其實即係雞輸卵管、卵巢同未成熟蛋黃，由於要母雞宰殺時剛好形成蛋黃，數量又不多，所以提燈非常稀有！燒日本提燈亦都比較繁複，因為要做到輸卵管表皮焦脆、蛋黃保持半熟流心的效果，少d技術同心機都做不到！所以香港極少燒鳥店有供應，我都係第一次食到呢（上次去另一間想試但售罄）！燈籠燒至半生熟，咬開薄膜之後，蛋黃就立即爆漿，而輸卵管、卵巢則焦香脆口，一次過食到兩種口感！
雞腳筋我都係第一次見，比一般雞軟骨更加爽脆有咬口。
雞掌心帶d皮又帶d筋，口感好爽脆！雞冠似雞軟骨同雞皮嘅合體，既有皮嘅油香，又有雞軟骨嘅爽脆！雞心元即係雞嘅心臟血管，又係超刁鑽，食落口感爽脆，肉味鮮香。雞腸都係我嘅至愛，油脂香豐腴，口感軟滑！
常見嘅雞皮、雞翼、雞肝、雞胸軟骨、雞胸肉當然都食到，8款燒鳥中仲有我每次食串燒必點嘅自家製免治雞肉，混入咗軟骨，加添口感！梅子醬雞胸肉都唔錯！
是晚燒物有伊比利亞豬肋條及厚燒牛舌芯。
伊比利亞豬肋條肉質鬆化軟腍，配搭蘿蔔蓉及蔥花平衡膩感。
厚燒牛舌芯牛味突出，不過燒得略乾。
惠比壽炭火親子丼嘅雞肉燒得好有火候，充滿炭火香，滑蛋則未夠嫩滑。
白布烏冬比較少見，口感順滑彈牙，值得一試！
雞湯鮮甜濃郁
最後用滑溜嘅紅豆布丁作結，好滿足！
张贴
