日嚐

平日嘅星期四晚收工約咗朋友嚟紅磡食飯，之前都留意到呢一間小店睇落食物都幾吸引，所以就特登收工過嚟。嚟到門口嘅時候8:35PM，喺店舖門口好有禮貌咁問員工收幾點，員工好似冇啲唔想做生意嘅態度答我9點last order，咁我同朋友喺門口諗咗大概一分鐘都已經即刻入去。

入到去店面非常非常迫，迫到我行入去靠牆嘅位坐，pat pat係會掃到隔籬枱啲嘢食🫤非常尷尬同麻煩，同埋基本上係同隔離平排坐嘅距離😑坐低後大概1分鐘，見到一入門口三張枱嘅人走，都已經決定要坐去對面。再坐低都已經冇催個員工執枱，點知佢又真係好似冇諗過要嚟執枱（我哋已經幫手搬咗啲餐扁去最出嗰張枱），最後都係嘢食都叫埋先嚟執，仲要最後都係冇抹我哋張枱😓，都算了自己用紙巾抹算。

之後我同朋友個set都係叫咗湯烏冬，嚟到嗰碗烏冬嘅湯好多都瀉晒個落餐盤度😑😑😑食物味道其實係不錯的，但就真係唔知我做錯啲乜，成個體驗完全好似得罪咗個員工咁⋯⋯