影片
更多
2022-12-30
57 浏览
臨近年尾，係時候食好嘢慰勞吓自己。冬日暖笠笠食返啲養生嘢就最好不過，但我同同行人都唔鍾意太老套嘅菜餚，見屯市呢間新開嘅聚聚分店新淨企理，又有啲人氣，就決定試吓佢嘅新派中菜有幾架勢。$598/兩位用嘅*魚米之聚*套餐啱晒唔想揀食咩嘅人，人均$300幾就有8樣菜。呢款套餐每樣菜睇落比例唔多，最初仲高估自己食量以為輕鬆食晒，但絕對會飽到捧腹而歸。流心雙色皮蛋伴芥末沙律花枝卷雙色皮蛋用色繽紛，入口呈溏心狀。花枝卷炸至金黃香脆，油份唔重，蘸取芥末醬更開胃。雞樅菌鳳尾蝦蘑菇湯以中式方法烹調出西湯口感，入口有磨碎嘅菇粒口感，蘑菇香氣幽然。鳳尾蝦都幾大隻，彈牙爽口。泰露筍松露炒帶子帶子面層鋪有少許黑松露，香氣突出，帶子厚身富彈性。底層嘅泰露筍油香較重，入口爽脆。嚐聚有米魚已切件嘅魚片伴有一個類似煎堆嘅飯焦球，浸湯後有胡椒香，入口焦脆帶米香。魚肉水準都唔錯，魚骨同脂肪唔多，軟身易咬。胡椒魚湯濃味，個人而言幾鍾意飲。養生藥膳酥皮雞面層鋪上巨型酥皮，待員工分離酥皮後再切開四等分，入口酥香微甜，有驚喜。三黃雞口感腍軟唔乾柴，加入紅棗同栗子等配料同煮，湯底透出藥膳香氣，養生又具秋冬感，暖身一流。杏汁杞子浸豆苗食
$598/兩位用嘅*魚米之聚*套餐啱晒唔想揀食咩嘅人，人均$300幾就有8樣菜。呢款套餐每樣菜睇落比例唔多，最初仲高估自己食量以為輕鬆食晒，但絕對會飽到捧腹而歸。流心雙色皮蛋伴芥末沙律花枝卷
雙色皮蛋用色繽紛，入口呈溏心狀。花枝卷炸至金黃香脆，油份唔重，蘸取芥末醬更開胃。
雞樅菌鳳尾蝦蘑菇湯
以中式方法烹調出西湯口感，入口有磨碎嘅菇粒口感，蘑菇香氣幽然。鳳尾蝦都幾大隻，彈牙爽口。
泰露筍松露炒帶子
帶子面層鋪有少許黑松露，香氣突出，帶子厚身富彈性。底層嘅泰露筍油香較重，入口爽脆。
嚐聚有米魚
已切件嘅魚片伴有一個類似煎堆嘅飯焦球，浸湯後有胡椒香，入口焦脆帶米香。魚肉水準都唔錯，魚骨同脂肪唔多，軟身易咬。胡椒魚湯濃味，個人而言幾鍾意飲。
養生藥膳酥皮雞
面層鋪上巨型酥皮，待員工分離酥皮後再切開四等分，入口酥香微甜，有驚喜。三黃雞口感腍軟唔乾柴，加入紅棗同栗子等配料同煮，湯底透出藥膳香氣，養生又具秋冬感，暖身一流。
杏汁杞子浸豆苗
食完肉，適合食返清淡爽甜嘅豆苗，感覺無咁油膩。加埋份量唔少嘅杞子，令豆苗增添多份自然清甜。
薑米蛋白蟹肉炒飯
炒飯質感偏乾身不油，食落都算粒粒分明，同時有淡淡嘅蟹肉同蛋香。
麻香炸湯丸+雪梨燉桃膠
最後仲有甜品作結，糖水甜度偏低，相信係有意利用雪梨自身果甜吊出自然甜味。將炸湯丸蘸上椰絲同食，外皮甜香具香煎口感，咬爆即湧出暖笠笠黑芝麻餡，香氣四溢。
张贴
