君戶鍋貼大王 (已結業)

搭電車去灣仔，見到呢間餐廳坐滿人，就落車去試一試。叫了一客鍋貼、韭菜水餃、及一杯豆漿。鍋貼一客$15 ，有五隻，逐隻叫又得，每隻$3.5。鍋貼味道一般，咬開算多什，皮唔算厚，個底煎到金黃色脆脆地，但餡料太少。韭菜水餃就真係麻麻地，水餃皮好厚，味道認真唔討好，個湯底又冇味，成碗野只求填飽個肚。因為鍋貼同水餃都麻麻哋，所以我對杯豆漿期望都唔大，果然杯豆漿係冇豆味的，我懷疑佢係開訓粉沖的，總之成餐就係中伏。環境方面，間餐廳真係坐得極之唔舒服，格局係茶餐廳形式的，但係食飯時間坐到好迫，阿姐捧餐經過係咁撞到我，客人經過又係咁撞到我，總之成餐唔好食之餘又坐得唔舒服，劣評！