影片
更多
2019-06-11
260 浏览
觀塘作為美食集中地，餐廳數目同種類非常之多，今次同朋友令到哩間Mini Friday 食晚餐。一去到見到餐廳嘅環境闊落，餐枱與餐桌之間嘅距離亦都大，令食客可以舒適用餐。我地叫左兩個餐同一個小食。未上菜之前已經有侍應免費贈送墨西哥片配卡夫芝士醬，重點係免費同好食！落完order 無幾耐，餐湯同沙律已經立即送上枱，夠哂有效率！餐湯係蕃茄薯仔湯，用材料打成茸，口感綿滑好飲，而沙律用醋調味，味道帶酸同埋清新，而且完全冇草青味。小食叫咗水牛城雞翼（$78@6），雞翼首先炸到表皮脆身，再淋上醬汁，一食驚為天人，可以係我呢世人食過最好食嘅雞翼，醬汁辣得來帶酸，又有點Tabasco 的味道，食落非常開胃。主菜有溫泉蛋芝士忌廉大花菇扁意粉（$148）加$45配鵝肝。如果係食醬汁濃稠嘅意粉，個人習慣多數係配扁意粉，令到麵條可以帶到醬汁之餘又可以有麵條嘅咬口。本身芝士忌廉嘅醬汁已經好creamy，配埋溫泉蛋口感更加滑同溫和，整體配搭非常之好食。而鵝肝外面煎到焦脆，建議食法係一開始可以單獨品嚐少少鵝肝，感受下佢入口即溶嘅感覺，再之後可以試吓用麵條包圍着鵝肝，濃稠醬汁同埋溶化的鵝肝油，層次豐富非常好食🤤🤤🤤！同
我地叫左兩個餐同一個小食。未上菜之前已經有侍應免費贈送墨西哥片配卡夫芝士醬，重點係免費同好食！
落完order 無幾耐，餐湯同沙律已經立即送上枱，夠哂有效率！餐湯係蕃茄薯仔湯，用材料打成茸，口感綿滑好飲，而沙律用醋調味，味道帶酸同埋清新，而且完全冇草青味。
小食叫咗水牛城雞翼（$78@6），雞翼首先炸到表皮脆身，再淋上醬汁，一食驚為天人，可以係我呢世人食過最好食嘅雞翼，醬汁辣得來帶酸，又有點Tabasco 的味道，食落非常開胃。
主菜有溫泉蛋芝士忌廉大花菇扁意粉（$148）加$45配鵝肝。如果係食醬汁濃稠嘅意粉，個人習慣多數係配扁意粉，令到麵條可以帶到醬汁之餘又可以有麵條嘅咬口。本身芝士忌廉嘅醬汁已經好creamy，配埋溫泉蛋口感更加滑同溫和，整體配搭非常之好食。而鵝肝外面煎到焦脆，建議食法係一開始可以單獨品嚐少少鵝肝，感受下佢入口即溶嘅感覺，再之後可以試吓用麵條包圍着鵝肝，濃稠醬汁同埋溶化的鵝肝油，層次豐富非常好食🤤🤤🤤！同雞翼一樣呢個亦都係我食過最好食嘅意粉！同朋友兩個人都好鍾意呢個食法，不過如果一個人食就會有啲滯！
最後係香烤美式BBQ豬肋骨，醬汁主要係用番茄製成，配埋豬肋骨非常惹味，另外配菜薯蓉都落足心思，用黑松露醬作為調味，好好食！唯一要挑剔嘅地方就係豬肋骨肉質乾硬左些少，但係整體評價仍然都中上！
第一次食過咁好食嘅餐廳，價格定位合理，非常推薦！
张贴
